Innlent

Ljósleiðarastrengur í sundur og truflanir víða

Oddur Ævar Gunnarsson skrifar
Ljósleiðarinn slitnaði við framkvæmdir við Hótel Sögu í morgun.
Ljósleiðarinn slitnaði við framkvæmdir við Hótel Sögu í morgun. Vísir/Egill

Ljósleiðari var grafinn í sundur við framkvæmdir við Hótel Sögu í morgun með þeim afleiðingum að truflun hefur orðið á netsambandi í hið minnsta tveimur hverfum borgarinnar. Jón Ingi Ingimundarson, forstöðumaður Tæknideildar hjá Ljósleiðaranum segir viðgerðir standa yfir.

„Það urðu ljósleiðaraslit við háskólann og því hafa orðið truflanir á netsambandi í miðborginni,“ segir Jón Ingi.

Vísi hafa borist ábendingar frá íbúum um að truflun hafi einnig orðið á netsambandi í Breiðholtinu.

„Það geta verið truflanir hjá einstaka fjarskiptafyrirtækjum sem eru að nota ljósleiðarann,“ segir Jón Ingi. „Við höfum ekki innsýn inn í það hvernig þeirra kerfi starfa.“

Ljósleiðaraslit líkt og þessi séu ekki eins óalgeng og halda mætti. 

„Það var ræstur út mannskapur strax í morgun um leið og þetta gerðist og það er verið að vinna að því að laga þetta. Vonandi verður þeirri vinnu lokið á næstu klukkustundum.“

Fjarskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið