Stefán Arnar sá sem fannst látinn í Reykja­nes­bæ

Þetta kemur fram í tilkynningu á vef lögreglunnar. Þar kemur fram að ekki sé talið að andlát hans hafi borið að með saknæmum hætti. 

Greint var frá líkfundinum á sunnudaginn en þá kom fram að gangandi vegfarandi hafi tilkynnt lögreglu um fundinn um hádegisbilið. 

Síðasta mánuðinn hefur farið fram umfangsmikil leit að Stefáni eftir að hann fór frá heimili sínu þann 3. mars síðastliðinn. Við sögu komu drónar, þyrla, kafarar og spor- og víðavangsleitarhundar, ásamt björgunarfólki.