Lyfjaval nú alfarið í eigu Orkunnar

Atli Ísleifsson skrifar 29. mars 2023 11:28

Svanur Valgeirsson, framkvæmdastjóri Lyfjavals, og Auður Daníelsdóttir, forstjóri Orkunnar IS. Aðsend

Orkan IS hefur keypt 42 prósenta hlut minnihlutaeigenda í Lyfjavali. Fyrir átti Orkan 58 prósenta hlut í Lyfjavali og með þessum kaupum eignast því Orkan Lyfjaval að fullu.

Í tilkynningu kemur fram að Lyfjaval reki sjö apótek - sex á höfuðborgarsvæðinu og eitt í Reykjanesbæ, þar af fjögur bílalúguapótek.

Haft er eftir Auði Daníelsdóttur, forstjóra Orkunnar, að það séu afar spennandi tímar framundan hjá Lyfjavali og mörg skemmtileg tækifæri til að bjóða viðskiptavinum upp á fleiri staðsetningar.

„Lyfjaval hefur skapað sér sérstöðu á markaði með bílalúgum og löngum opnunartíma sem hefur verið afar snjöll leið til að einfalda viðskiptavinum lífið á ferðinni,” segir Auður.

Þá er haft eftir Svani Valgeirssyni, framkvæmdastjóra Lyfjavals, að þetta séu mjög góð tíðindi fyrir Lyfjaval. „Við erum mjög spennt fyrir áframhaldandi vexti í samstarfi við Orkuna,” segir Svanur. „Lyfjaval hefur verið brautryðjandi í lyfsölu á Íslandi frá því að það opnaði fyrsta frjálsa apótekið, Apótek Suðurnesja árið 1996, fyrsta bílaapótekið 2005, hóf netsölu með lyf 2022 og býður nú sólarhringsopnun í lyfsölu, það eina á landinu.“

Orkan IS ehf. var stofnað 1. desember 2021 og rekur þjónustustöðvar Orkunnar, 10-11, Extra, Löðurs bílaþvottastöðva, Íslenska vetnisfélagsins, Gló og nú Lyfjavals.

Kaup og sala fyrirtækja Lyf Verslun

Tengdar fréttir

Munu hafa apótekið opið allan sólarhringinn

Forsvarsmenn Lyfjavals hafa ákveðið að hafa bílaapótek fyrirtækisins í Hæðasmára í Kópavogi framvegis opið allan sólarhringinn. Þetta verður eina apótek landsins sem verður opið allan sólarhringinn.

1. mars 2023 07:45

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.