Neytendur

IKEA inn­kallar veiði­leik­fang

Atli Ísleifsson skrifar
Ákveðið hefur verið að innkalla BLÅVINGAD veiðileik vegna mögulegrar köfnunarhættu.
Ákveðið hefur verið að innkalla BLÅVINGAD veiðileik vegna mögulegrar köfnunarhættu. IKEA

IKEA hefur ákveðið að innkallaBLÅVINGAD veiðileik og hvetur viðskiptavini til að skila í verslun vegna köfnunarhættu. Varan verði að fullu endurgreidd.

Í tilkynningu frá IKEA segir að öryggi sé alltaf efst á forgangslista fyrirtækisins og því hafi verið ákveðið að innkalla veiðileikinn vegna mögulegrar köfnunarhættu. 

„Við vöruþróun notast IKEA við strangt áhættumat og prófanir til að tryggja að vörur okkar standist öll gildandi lög og staðla á þeim mörkuðum þar sem þær eru seldar.

Þrátt fyrir þessar öryggisprófanir höfum við fengið upplýsingar um að litar málmfestingar í leikfanginu geti losnað og haft í för með sér mögulega köfnunarhættu, sérstaklega hjá ungum börnum. Því er BLÅVINGAD veiðileikurinn innkallaður.

Hægt er að skila BLÅVINGAD veiðileiknum í IKEA versluninni og fá hann endurgreiddan að fullu. Kvittun er ekki skilyrði fyrir endurgreiðslu,“ segir í tilkynningu.

IKEA Innköllun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið