Rúna Dögg Cortez er nýr framkvæmdastjóri hönnunarstofunnar Kolofon. Hún hefur starfað hjá stofunni síðan um sumarið 2021. Á þeim tíma hefur hún haldið utan um verkferla og umsjón viðskiptavina sem hönnunarstjóri stofunnar. Síðan í fyrra hefur hún einnig setið í framkvæmdastjórn stofunnar.
Þetta kemur fram í tilkynningu frá hönnunarstofunni. Þar segir að Rúna sé með yfir tuttugu ára reynslu í skapandi verkefnum, bæði hjá Brandenburg og þar áður sem framkvæmdastjóri Auglýsingamiðlunar.
Hörður Lárusson, einn stofnenda Kolofon, telur góð tækifæri fylgja því að hafa Rúnu sem framkvæmdastjóra stofunnar.
„Með því að fá Rúnu í brúnna sjáum við góð tækifæri til að halda áfram að fínstilla okkur og með því ná enn betri og skemmtilegri vinnu með öllum hópnum.”
Ásamt Rúnu starfa sjö manns á Kolofon, hönnuðir og forritari.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
