Innlent

Fjöldi manna í vand­ræðum á fjall­vegum austan­lands

Auður Ösp Guðmundsdóttir skrifar
Veðrið var slæmt og skyggni lítið sem ekkert á köflum.
Veðrið var slæmt og skyggni lítið sem ekkert á köflum. Landsbjörg

Björgunarsveitir á Austurlandi hafa verið við störf í dag á fjallvegum austanlands og aðstoðað fjölda manns sem komust ekki leiðar sinnar sökum veðurs.

Í tilkynningu frá slysavarnarfélaginu Landsbjörg kemur fram að í Fagradal hafi verið talsvert um að ferðamenn kæmust ekki leiðar sinnar.

Veðrið var slæmt og skyggni lítið sem ekkert á köflum. Töluverðir skaflar höfðu myndast á leiðinni og sóttu björgunarsveitir fólk úr að minnsta kosti 5 bílum, og þar á meðal snjóruðningstæki sem hafði lent útaf veginum. 

Landsbjörg

Fólk hafði ýmist fest bíla sína, eða ekið útaf veginum. Flestir voru ferðamenn en einhverjir heimamenn sem voru að fara á milli byggðarlaga vegna vinnu.

Á Möðrudal varð árekstur tveggja bíla. Ekki urðu slys á fólki en bílarnir voru ekki ökuhæfir og fékk fólk far til byggða.

Björgunarsveitir Færð á vegum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið