Erlent

Þrjá­tíu og tveir látnir hið minnsta í lestar­slysi á Grikk­landi

Gunnar Reynir Valþórsson skrifar
Áreksturinn var gríðarlega harður eins og sést á myndinni sem tekin var þegar birta tók í morgun.
Áreksturinn var gríðarlega harður eins og sést á myndinni sem tekin var þegar birta tók í morgun. AP Photo/Vaggelis Kousioras

Að minnsta kosti þrjátíu og tveir eru látnir og 85 slasaðir eftir lestarslys á Grikklandi í nótt.

Tvær lestar skullu saman á miklum hraða við bæinn Tempe í miðhluta landsins. Önnur lestin var farþegalest á leið frá höfuðborginni Aþenu til Þessalóníku, næst stærstu borgar landsins.

Hin lestin var flutningalest á leið frá Þessalóníku til Larissa. Héraðsstjórinn í Þessalóníku segir að áreksturinn hafi verið afar harður og að fyrstu fjórir vagnar farþegalestarinnar hafi farið út af sporinu.

Tveir fremstu vagnarnir gjöreyðilögðust. Um 194 farþegar voru fluttir heilir á húfi í rútum til Þessalóníku en rekstraraðili lestarinnar segir að um 350 manns hafi verið um borð. Björgunarsveitir eru enn að störfum á svæðinu en eldur kom upp í að minnsta kosti fjórum vögnum.

Af þeim slösuðu eru minnst 25 í alvarlegu ástandi.

Hér fyrir neðan má sjá myndband frá vettvangi slyssins.

Klippa: Lestarslys í Grikklandi
Grikkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið