Innlent

Uppsagnir hjá Íslenskri erfðagreiningu og Þjónustumiðstöðinni

Kolbeinn Tumi Daðason skrifar
Níu manns misstu vinnuna hjá Íslenskri erfðagreiningu.
Níu manns misstu vinnuna hjá Íslenskri erfðagreiningu. Vísir/Vilhelm

Þjónustumiðstöð rannsóknarverkefna í Kópavogi hefur sagt upp 17 starfsmönnum eða nær helmingi allra sem starfa þar. Ástæðan er sú að færri verkefni Íslenskrar erfðagreiningar kalla á aðkomu Þjónustumiðstöðvarinnar en áður. Þá missa níu vinnuna hjá Íslenskri erfðagreiningu.

Þjónustumiðstöð rannsóknaverkefna er sjálfseignarstofnun og hóf starfsemi sína 1. apríl 1998. Hlutverk hennar hefur verið að sjá um klínískan hluta erfðafræðirannsókna Íslenskrar erfðagreiningar, Það felur meðal annars í sér söfnun lífsýna og upplýsinga um einkenni sjúkdóma, áhættuþætti, greiningu og meðferð, auk þess að senda út kynningarbréf og spurningalista til einstakra þátttakenda.

Þóra Kristín Ásgeirsdóttir upplýsinga- og samskiptafulltrúi Íslenskrar erfðagreiningar segir að þar sem Íslensk erfðagreining hafi raðgreint lífsýni úr 180 þúsund Íslendingum og um tveimur milljónum af öðru þjóðerni sé minni þörf fyrir lífsýnasöfnun hjá Íslendingum.

„Það stóð til að minnka þjónustumiðstöðina fyrir Covid en vegna verkefna sem Íslensk erfðagreining tók að sér í faraldrinum var því frestað,“ segir Þóra Kristín.

Auk þessa var sagt upp níu starfsmönnum hjá Íslenskri erfðagreiningu en Þóra Kristin segir að þar sé um að ræða áherslubreytingar, aðallega vegna færri verkefna sem komi frá ÞR en áður í kjölfar breytinganna.

Íslensk erfðagreining Vinnumarkaður Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið