Guðmundur og Dagur fengu langbestu kosningu

Niðurstöður könnunarinnar voru kynntar í beinni útsendingu í Pallborðinu á Vísi í dag. Guðmundur hlaut flest atkvæði eða 3.789 talsins en fast á hæla honum, með 33% atkvæða, kom Dagur Sigurðsson landsliðsþjálfara Japans með 3.532 atkvæði. Niðurstöðurnar má sjá neðst í greininni.

Guðmundur og Dagur eiga það sameiginlegt að vera samningsbundnir fram á næsta ár, Guðmundur sem þjálfari Íslands og Dagur sem þjálfari Japans, og sagði formaður HSÍ í samtali við Vísi að ekki stæði til að skipta um mann í brúnni, þrátt fyrir að Ísland skyldi enda í 12. sæti HM.

Alfreð Gíslason, þjálfari karlalandsliðs Þýskalands, varð í 3. sæti í könnun Vísis með 10% atkvæða og þeir Þórir Hergeirsson, þjálfari kvennalandsliðs Noregs, og Snorri Steinn Guðjónsson, þjálfari karlaliðs Vals, komu næstir á eftir. Alfreð hefur áður stýrt íslenska landsliðinu, á árunum 2006-2008.

Aðeins 337 manns, eða 3% þeirra sem kusu, vildu sjá erlendan þjálfara taka við íslenska landsliðinu. Niðurstöður könnunarinnar má sjá í heild hér að neðan.