Handbolti

Þrjú íslensk mörk í tapi Volda

Smári Jökull Jónsson skrifar
Rakel Sara skoraði eitt mark í dag en hún gekk til liðs við Volda í sumar.
Rakel Sara skoraði eitt mark í dag en hún gekk til liðs við Volda í sumar. Vísir/Hulda Margrét

Lið Volda tapaði með níu mörkum gegn Fana í norsku úrvalsdeildinni í handknattleik í kvöld. Rakel Sara Elvarsdóttir og Dana Björg Guðmundsdóttir komust á blað hjá Volda í kvöld.

Lið Volda var í neðsta sæti deildarinnar fyrir leikinn í dag en Fana í baráttunni við liðin sem elta Vipers sem er langefst í deildinni.

Það var þó lið Volda sem byrjaði betur í leiknum í dag og komst meðal annars í 7-4 um miðjan fyrri hálfleikinn. Þá náði Fana hins vegar 7-1 kafla, breytti stöðunni í 11-8 en í hálfleik var staðan 14-10 gestunum í vil.

Í síðari hálfleik var eiginlega aldrei spurning hvoru megin sigurinn myndi enda. Volda hélt í við gestina í upphafi en undir lokin jókst munurinn. Lokatölur 28-19 og níu marka sigur Fana staðreynd. 

Rakel Sara Elvarsdóttir skoraði tvö mörk fyrir Volda í dag og Dana Björg Guðmundsdóttir skoraði eitt. Katrín Tinna Jensdóttir lék einnig með Volda en komst ekki á blað. Hilmar Guðlaugsson er þjálfari Volda sem unnið hefur tvo leiki af þrettán í deildarkeppninni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.