Innlent

Erfið aksturs­skil­yrði á Hellis­heiði og í Þrengslum á að­fanga­dag

Atli Ísleifsson skrifar
Þeir sem hyggjast aka milli landshluta um jólahelgina ættu að fylgjast vel með veðurspám og ástandi vega áður en lagt er af stað.
Þeir sem hyggjast aka milli landshluta um jólahelgina ættu að fylgjast vel með veðurspám og ástandi vega áður en lagt er af stað. Vísir/Vilhelm

Útlit fyrir snjókomu á Hellisheiði, Þrengslum og Suðurlandi austur að Eyjafjöllum í fyrramálið og fram á annað kvöld.

Í tilkynningu frá veðurfræðingi Vegagerðarinnar segir að reiknað sé með talsverðri snjókomu á köflum, að það verði blint og akstursskilyrði erfið.

Veðurstofan reiknar með austankalda eða strekkingi og víða snjókomu eða éljum á morgun, aðfangadag. Þó verða vestlægari áttir og úrkomulítið eystra.

„Áfram strekkingsaustanátt á jóladag og él í flestum landshlutum, en dregur heldur úr frosti.

Þeir sem hyggjast aka milli landshluta um jólahelgina ættu að fylgjast vel með veðurspám og ástandi vega áður en lagt er af stað. Hyggilegt er að gera ráð fyrir að færð geti versnað með skömmum fyrirvara,“ segir í hugleiðingum veðurfræðings á vef Veðurstofunnar.

Umferðaröryggi Samgöngur Reykjavík Ölfus Hveragerði Jól
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið