Fyrri leikur liðanna fór fram í gær, en báðir voru þeir leiknir í Tékklandi. ÍBV taldist sem heimalið í leik gærdagsins, en útilið í kvöld.
Dukla Prag hafði tveggja marka forskot í hálfleik, 13-11. Liðið jók forskot sitt svo jafnt og þétt í síðari hálfleik og vann að lokum öruggan sjö marka sigur, 32-25.
Rúnar Kárason var markahæstur í lið Eyjamanna í kvöld með átta mörk, en þeir Arnór Viðarsson og Nökkvi Snær Óðinsson skoruðu fjögur hver.
