Bjarni skaut Atlantic í efsta sætið

Snorri Rafn Hallsson skrifar
bjarni

Leikur Atlantic og LAVA fór fram í Mirage og hafði LAVA betur í hnífalotunni. Það féll því í hlut Atlantic að sækja í fyrri hálfleik og það gerði liðið af krafti. LAVA gekk illa að verja sprengjusvæði A og féllu fyrstu fjórar loturnar því Atlantic í vil. LAVA komst upp á lagið með að aftengja sprengjurnar og tókst að jafna 4–4 en eftir að liðin skiptu með sér næstu tveimur lotum rauk Atlantic fram úr LAVA.

Clvr rammaði inn fimm lotu runu Atlantic með þrefaldri fellu í 11. lotu og tvöfaldri í þeirri 15. Frammistaða Atlantic var mjög sannfærandi og voru leikmenn liðsins bæði samstilltir og hittnir.

Staðan í hálfleik: Atlantic 10 – 5 LAVA

Bjarni hringdi síðari hálfleikinn inn með þrefaldri fellu í skammbyssulotunni sem Bl1ck lokaði svo einn gegn tveimur andstæðingum. Atlantic komst í stöðuna 12–5 en þó LAVA næði í lotu hér og þar komst liðið aldrei á almennilegt flug. Þó liðið ætti góðar fléttur voru Atlantic einfaldlega betri og unnu öruggan sigur í 23. lotu þegar RavlE aftengdi sprengjuna á síðustu stundu inni í miðjum reykjarmekki. 

Lokastaða: Atlantic 16 – 7 LAVA

Sigurinn kom Atlantic í efsta sæti deildarinnar þar sem liðið trónir nú eitt með 18 stig.

Næstu leikir liðanna:

  • LAVA – TEN5ION, fimmtudaginn 5/1, klukkan 19:30
  • SAGA – Atlantic, fimmtudaginn 5/1, klukkan 20:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.


Tengdar fréttir

RavlE lipur á rifflinum

Atlantic Esports lék sinn fyrsta leik undir nýju nafni í Ljósleiðaradeildinni þegar liðið mætti Fylki. Áður hét Atlantic NÚ.

Leikirnir




    Velkomin á Vísi. Þessi vefur notar vafrakökur. Sjá nánar.