Innlent

Varaflugvallargjaldi einnig ætlað að kosta framkvæmdir í Reykjavík

Kristján Már Unnarsson skrifar
Frá Reykjavíkurflugvelli. Hann þjónar sem einn helsti varaflugvöllur Keflavíkur.
Frá Reykjavíkurflugvelli. Hann þjónar sem einn helsti varaflugvöllur Keflavíkur. Egill Aðalsteinsson

Tvöhundruð króna varaflugvallargjald verður lagt á bæði innanlands- og millilandaflugfarþega, samkvæmt frumvarpi sem innviðaráðherra boðar. Gjaldinu er ætlað að standa undir framkvæmdum við flugvellina á Akureyri, Egilsstöðum og í Reykjavík.

Fjallað var um málið í fréttum Stöðvar 2. Varaflugvallargjald var áður eingöngu innheimt af millilandaflugfarþegum en fellt niður fyrir tólf árum þar sem það var talið fela í sér mismunun í skilningi EES-samningsins.

„Þá var varað við því að það myndi hafa þær afleiðingar að innanlandsflugið, eða varaflugvellir, það er að segja Akureyri, Egilsstaðir og að einhverju leyti Reykjavíkurflugvöllur, myndu sitja eftir í uppbyggingunni. Ég held að við verðum bara að viðurkenna að þessir aðilar höfðu rétt fyrir sér,“ segir Sigurður Ingi Jóhannsson innviðaráðherra.

Sigurður Ingi Jóhannsson innviðaráðherra stígur frá borði á Reykjavíkurflugvelli við komu frá Egilsstöðum síðastliðið vor.Ívar Fannar Arnarsson

Núna boðar Sigurður Ingi að gjaldið verði tekið upp að nýju, með þeirri breytingu að það verður einnig lagt á innanlandsfarþega, 200 krónur á hvern fluglegg eða 400 krónur fram og til baka. Þannig er áformað að afla 1.200 til 1.500 milljóna króna árlega, miðað við núverandi fjölda farþega.

„Varaflugvellir eru jafnmikilvægir og aðalflugvöllurinn. Það verður að vera til varaflugvöllur, sérstaklega þegar við búum á eyju.

Þetta er gríðarlegt loftlagsmál. Þetta er fjárhagslegt mál fyrir flugfélögin. Þau geta verið með minna bensín um borð.

Og það að leggja á lágmarksgjald, eða 200 krónur, eins og við erum að leggja til í þessu frumvarpi, mun hins vegar þýða það að við getum byggt upp, bæði Akureyri, Egilsstaði og Reykjavík,“ segir innviðaráðherrann.

Sigurður Ingi Jóhannsson tók fyrstu skóflustungu að stækkun flugstöðvarinnar á Akureyri sumarið 2021. Með honum eru Hjördís Þórhallsdóttir, flugvallarstjóri á Akureyrarflugvelli, og Sigrún Björk Jakobsdóttir, framkvæmdastjóri Isavia Innanlandsflugvalla.Isavia

Framkvæmdir eru hafnar við stækkun flugstöðvarinnar á Akureyri. En hvað líður nýrri flugstöð í Reykjavík, sem ráðherrann hefur ítrekað boðað?

„Ég vonast til að flugstöð sem við höfum verið með á teikniborðinu alltaf öðru hvoru að við náum henni nú í gang. Það er ekki víst að við smíðum mikið á árinu ´23 en ég vonast til að við getum sett verkefnið á rekspöl.

Það eru líka allir sammála um það að Reykjavíkurflugvöllur er jú ekki að fara neitt fyrr en annar jafngóður eða betri finnst. Og akkúrat í augnablikinu er ekki útlit fyrir það,“ segir Sigurður Ingi.

Hér má sjá frétt Stöðvar 2:


Tengdar fréttir

Leggur til tvö hundruð króna gjald á hvern far­þega til að byggja upp vara­flug­velli

Lagt verður varaflugvallagjald sem nemur 200 krónum á hvern farþega ef frumvarp innviðaráðherra sem lagt var fram í samráðsgátt stjórnvalda í dag nær fram að ganga. Sé miðað við sex milljón farþega gætu tekjur ríkissjóðs orðið allt að einn og hálfur milljarður króna. Isavia og Icelandair hafa mótmælt gjaldtökunni. 

Tafir á stáli seinka viðbyggingunni til vorsins 2024

Reiknað er með að hægt verði að taka langþráða nýja viðbyggingu við Akureyrarflugvöll í notkun vorið 2024, tæpu ári á eftir áætlun. Tafir við afhendingu á ýmsum aðföngum, svo sem stálgrind hússins, gera þetta að verkum. 

Segir Reykjavíkurflugvöll gríðarlega mikilvægan varavöll millilandaflugs

Yfirflugstjóri Icelandair segir gríðarlega mikilvægt að geta notað Reykjavíkurflugvöll sem varavöll millilandaflugs og kallar eftir betri innviðum á vellinum. Hann spari Icelandair hálfan milljarð króna á ári í eldsneytiskostnað og dragi verulega úr útblæstri koltvísýrings.

Ný loftferðalög skerða skipulagsvald sveitarfélaga yfir flugvöllum

Ný ákvæði laga um loftferðir, sem Alþingi samþykkti á lokasprettinum í fyrrinótt, gera skipulagsreglur flugvalla rétthærri skipulagi sveitarfélaga. Bæði Samband íslenskra sveitarfélaga og Reykjavíkurborg lögðust gegn lagabreytingunni og sagði fráfarandi borgarstjórnarmeirihluti í Reykjavík hana kollvarpa því skipulagsvaldi sem sveitarfélög hefðu yfir flugvöllum.

Vill dusta rykið af áformum um nýja flugstöð í Reykjavík

Sigurður Ingi Jóhannsson innviðaráðherra segir tímabært að dusta rykið af áformum um nýja flugstöð á Reykjavíkurflugvelli. Nærri tvö ár eru síðan áform um að byggja nýja flugstöð voru kynnt en gert er ráð fyrir að hún verði um sextán hundruð fermetrar að stærð.

Jón segir uppbyggingu varaflugvalla ekki þola bið

Varaformaður umhverfis- og samgöngunefndar og fyrrverandi samgönguráðherra segir uppbyggingu varaflugvalla á Akureyri og Egilsstöðum ekki þola bið. Breyta þurfi fyrirliggjandi samgönguáætlun og þar með fjárlögum næsta árs til að framkvæmdir geti hafist.

Icelandair fagnar tillögum um forgang á uppbyggingu Egilsstaðaflugvallar

Icelandair fagnar þeirri tillögu sem kemur fram í drögum að grænbók um stefnu stjórnvalda í málefnum flugrekstrar og flugtengdrar starfsemi á Íslandi, að uppbygging Egilsstaðaflugvallar verði sett í forgang hvað varðar uppbyggingu á varaflugvöllum fyrir Keflavíkurflugvöllum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.