Mun leiða markaðsvinnu TourDesk á erlendum mörkuðum

Atli Ísleifsson skrifar 21. nóvember 2022 12:27

Guðmundur F. Magnússon hefur verið ráðinn til að leiða markaðsvinnu TourDesk á erlendum mörkuðum.

Í tilkynningu segir að Guðmundur muni einnig vinna að markaðsmálum fyrir móðurfélag TourDesk, MD Reykjavík, sem gefi meðal annars út tímaritið Iceland Review og ferðamannamiðilinn What‘s On in Reykjavík, auk þess að reka tvær upplýsingamiðstöðvar fyrir ferðamenn í miðbæ Reykjavíkur.

Guðmundur kemur til TourDesk frá auglýsingastofunni SAHARA, þar sem hann stýrði meðal annars Google herferðum ýmissa ferðaþjónustufyrirtækja á borð við Krauma, Hótel Keflavík og Safari Quads en einnig leitarorðaherferðum fyrir BYKO, 66°Norður og Lauf Cycling. Áður starfaði Guðmundur hjá stafrænu auglýsingastofnum Crealytics og Blackwood Seven í Þýskalandi og The Engine (áður Nordic eMarketing) á Íslandi.

Guðmundur útskrifaðist með BA gráðu í stjórnmálafræði frá Háskóla Íslands og meistaragráðu í alþjóðasamskiptum frá Álaborgarháskóla,“ segir í tilkynningunni.

TourDesk er íslenskur hugbúnaður sem einfaldar sölu á dagsferðum og afþreyingu til ferðamanna.

Vistaskipti Auglýsinga- og markaðsmál Ferðamennska á Íslandi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.