Færðu Kvennaathvarfinu tveggja milljóna styrk

N1 10. nóvember 2022 11:52

Á myndinni má sjá Lindu Dröfn Gunnarsdóttir framkvæmdarstýru Kvennaathvarfsins, Þyrí Dröfn Konráðsdóttir forstöðukonu markaðsmála hjá N1. Hinrik Örn Bjarnason framkvæmdastjóri N1 og Sigrúnu Eddu Elíasdóttir verkefnastjóra markaðsmála hjá N1

N1 færði Kvennaathvarfinu tveggja milljóna króna styrk í dag. Forsvarsfólk athvarfsins safnar nú fyrir nýju húsnæði undir starfsemina sem veitir sífellt fleiri konum aðstoð við að losna úr ofbeldissamböndum. Sökum aukinnar aðsóknar, breiðari þjónustu og aðgengismála er brýn þörf fyrir nýtt húsnæði, en áætlað er að nýja húsnæðið muni kosta um 500 milljónir króna.

Rúmlega 700 konur og börn þeirra sækja árlega í Kvennaathvarfið í leit að stuðningi, ráðgjöf, aðhlynningu og öruggu skjóli. Nú stendur yfir söfnun fyrir byggingu nýs, sérhannaðs athvarfs þar sem ætlunin er að sinna á einum stað þeirri fjölbreyttu þjónustu sem þarf að veita konum og börnum þeirra við losna undan ofbeldi. Söfnunin stendur yfir til mánaðamóta og verður sérstakur umfjöllunarþáttur um söfnunina á Stöð 2 í kvöld, fimmtudaginn 10. nóvember.

Ljóst er að bygging athvarfsins er kostnaðarsöm en sala á núverandi húsnæði Kvennaathvarfsins og það fjármagn sem safnast hefur nú þegar stendur aðeins undir helmingi kostnaðarins. Því leitar Kvennaathvarfið til einstaklinga og fyrirtækja, eins og N1, til þess að nýtt athvarf geti orðið að veruleika.

N1 lét fimm krónur af hverjum lítra af bensíni og díselolíu sem seldist þriðjudaginn 8. nóvember renna til Kvennaathvarfsins. Alls söfnuðust tvær milljónir króna sem N1 færði Kvennaathvarfinu í morgun.

Nánari upplýsingar um verkefnið og styrktarleiðir má nálgast á vefsíðu Kvennaathvarfsins.

Heimilisofbeldi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir