Goa7er leiddi LAVA til sigurs

Snorri Rafn Hallsson skrifar
goa7er

LAVA var við það að blanda sér í toppslaginn en fyrir leikinn var liðið í fimmta sæti á meðan gengi Viðstöðu hefur verið örlítið slakara og liðið í sjöunda sæti deildarinnar.

Stalz vann hnífalotuna fyrir LAVA sem hóf leikinn í vörn af miklum krafti og vann fyrstu þrjár loturnar í leiknum. Xeny var einn gegn fjórum meðlimum LAVA í fjórðu lotu en tókst á ótrúlegan hátt að fella þá alla, koma sprengjunni fyrir og næla sér í ás eins og sjá má hér:

Fátt var um fína drætti hjá Viðstöðu það sem eftir lifði hálfleiks, þar sem nokkuð vantaði upp á bæði fjárhag og samskipti liðsins. Blazter, Mozar7 og Klassy voru lengi í gang á meðan Stalz, TripleG og Goa7er voru í góðu formi og héldu stjórninni á leiknum fyrir LAVA sem flaug fram úr Viðstöðu.

Staða í hálfleik: Viðstöðu 3 – 12 LAVA

Leikmenn Viðstöðu fóru þó af krafti inn í síðari hálfleikinn. Blazter hóf fyrstu lotuna á þrefaldri fellu og Allee sópaði restinni upp. LAVA náði nokkrum sinnum að koma sprengjunni fyrir í næstu lotum en Viðstöðu tókst að aftengja þær.

Í stöðunni 13–8 hrökk LAVA loks í gang og kláraði leikinn. Goa7er hafði komið sér efst á blað og LAVA byggði sóknarleik sinn á þolinmæði og samspili sem skilaði þeim tveimur stigum í þessum leik og heldur liðið stöðu sinni í 5. sæti deildarinnar.

Lokastaða: Viðstöðu 8 – 16 LAVA

Hlé verður gert á Ljósleiðaradeildinni á meðan umspil fyrir Blast mótið fer fram. 

Næstu leikir liðanna:

  • Þór–LAVA, þriðjudaginn 29. nóv., kl: 20:30
  • Ármann–Viðstöðu, fimmtudaginn 1. des., kl: 20:30

Sýnt verður frá leikjunum í beinni á Stöð 2 Esport og á Twitch síðu Rafíþróttasamtaka Íslands.


Tengdar fréttir

Brnr baneitraður með 33 fellur í Ancient

LAVA gat skilið sig frá miðju töflunnar með sigri á Fylki í Ljósleiðaradeildinni í CS:GO í gærkvöldi, en liðið tapaði fyrir Ármanni í síðustu umferð.

RavlE skaut NÚ upp á toppinn

Í síðari leik gærkvöldsins mætti NÚ Viðstöðu. Liðin hafa bæði gert sig gildandi á tímabilinu en NÚ gat jafnað Þór að stigum á toppnum með sigri.

Leikirnir




    Velkomin á Vísi. Þessi vefur notar vafrakökur. Sjá nánar.