Viðskipti innlent

Pablo og Kristín Björk til Ís­lands­banka

Atli Ísleifsson skrifar
Pablo Santos og Kristín Björk Lilliendahl.
Pablo Santos og Kristín Björk Lilliendahl. Íslandsbanki

Pablo Santos hefur verið ráðinn stafrænn hönnunarstjóri og Kristín Björk Lilliendahl sérfræðingur í gagnavísindum inn í stafræna upplifun hjá Íslandsbanka.

Í tilkynningu frá bankanum segir að Pablo hafi áður starfað hjá Meniga og Landsbankanum að hönnun og yfirumsjón stafrænna lausna. 

„Hann er með BA gráðu í grafískri hönnun frá LHÍ og hefur stundað nám í markaðsfræði og samskiptum við Unitec í Hondúras.

Kristín Björk Lilliendahl hefur verið ráðin sem sérfræðingur í gagnavísindum inn í stafræna upplifun á Markaðs- og samskiptasviði en hún hefur starfað í viðskiptagreiningu Íslandsbanka síðan 2017. Kristín Björk er með meistaragráðu í verkfræði frá DTU.

Þessar breytingar eru hluti af skipulagsbreytingum á Markaðs- og samskiptasviði þegar sviðinu var skipt upp í stafræna upplifun og vörumerki með það að leiðarljósi að nýta gögn bankans með enn betri hætti og eru hluti af stefnuverkefni bankans er snýr að stafrænni þjónustu.

Ragnar Trausti Ragnarsson er deildarstjóri vörumerkis og Ólafur Thors tekur við sem deildarstjóri stafrænnar upplifunar. Eygló Benediktsdóttir hefur tekið við sem vörueigandi ytri vefs,“ segir í tilkynningunni.

Vistaskipti Íslenskir bankar Íslandsbanki


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið