Viðskipti innlent

Hörður nýr for­stöðu­maður hjá Krónunni

Bjarki Sigurðsson skrifar
Hörður Már Jónsson er nýr forstöðumaður stafrænnar þróunar hjá Krónunni.
Hörður Már Jónsson er nýr forstöðumaður stafrænnar þróunar hjá Krónunni.

Hörður Már Jónsson hefur tekið við sem forstöðumaður stafrænnar þróunar hjá Krónunni. Sem forstöðumaður mun hann leiða áframhaldandi þróun og innleiðingu á starfrænum lausnum Krónunnar. 

Hörður hefur starfað hjá Krónunni síðastliðin fjögur ár en fyrir það starfaði hann sem ráðgjafi og meðeigandi hjá Expectus og Capacent á sviði viðskiptagreindar og áætlunargerðar. Þá leiddi hann viðskiptagreind og gagnastrúktúr hjá WOW air. Hörður er menntaður tölvunarfræðingur frá Háskóla Íslands. 

„Við viljum að Krónan sé snjöll og að lausnir okkar einfaldi viðskiptavinum lífið. Verkefnið er mikilvægt og ég er spenntur fyrir því að þróa stafrænu þjónustuna áfram. Við byrjuðum með heimsendingar í COVID og urðum að hlaupa hratt til að koma þeim á laggirnar. Það hefur gengið vel og viðskiptavinir eru ánægðir með þá þjónustu. Við horfum björtum augum til framtíðar og teljum að Snjallverslunin haldi áfram að stækka og auðvelda viðskiptavinum okkar að nýta sér þjónustu Krónunnar,“ er haft eftir Herði í tilkynningu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×