Handbolti

Aron öflugur í sigri Ála­borgar

Runólfur Trausti Þórhallsson skrifar
Aron Pálmarsson átti mjög góðan leik í kvöld.
Aron Pálmarsson átti mjög góðan leik í kvöld. Álaborg

Álaborg vann fimm marka sigur á Fredericia í dönsku úrvalsdeild karla í handbolta í dag, lokatölur 44-39. Íslenski landsliðsmaðurinn Aron Pálmarsson kom að níu mörkum í liði Álaborgar.

Stórliðið átti erfitt uppdráttar gegn Fredericia í dag en gestirnir mættu með kassann úti og gerðu heimamönnum einkar erfitt fyrir. Staðan í hálfleik var jöfn, 21-21, en mikið var skorað í leik dagsins.

Í síðari hálfleik sýndu heimamenn gæðin sem þeir búa yfir og tóku á endanum yfir leikinn. Aron skoraði fjögur mörk og lagði upp fimm til viðbótar í liði Álaborgar, lokatölur 44-39.

Arn og Arnór Atlason, aðstoðarþjálfari Álaborgar eru sem fyrr á toppi deildarinnar en liðið hefur ekki enn tapað leik. Eftir 8 leiki er Álaborg með 15 stig á meðan GOG er í öðru sæti með 14 stig. Fredericia er með 9 stig í sjöunda sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.