Fótbolti

Bjarni Mark skoraði úr glæsi­legri hjól­hesta­spyrnu og lætur sig dreyma um úr­vals­deildina

Runólfur Trausti Þórhallsson skrifar
Bjarni Mark skoraði rosalegt mark í dag.
Bjarni Mark skoraði rosalegt mark í dag. IK Start

Bjarni Mark Antonsson skoraði fyrra mark Start í 2-1 sigri á Ranheim í norsku B-deildinni í fótbolta í dag. Markið var í glæsilegri kantinum og sjá má það hér að neðan. Start fer nú í umspil um sæti í norsku úrvalsdeildinni.

Mark Bjarna kom eftir hálftíma þegar boltinn skoppaði vel fyrir hann eftir hornspyrnu. Hann nýtti tækifærið og hlóð í þessa líka glæsilegu hjólhestaspyrnu sem söng í netinu. Staðan 1-0 og þannig var hún í hálfleik.

Gestirnir í Ranheim jöfnuðu metin í síðari hálfleik en Alagie Sanyang skoraði sigurmarkið á 80. mínútu og fór það svo að Start vann 2-1 sigur. Start endar í 3. sæti með 54 stig og fer í umspil ásamt KFUM Oslo, Sandnes og Kongsvinger.

Íslendngalið Sogndal endaði í 7. sæti og verður því áfram í B-deildinni þrátt fyrir 3-0 sigur á Raufoss í dag þar sem Valdimar Þór Ingimundarsson var meðal markaskorara og Jónatan Ingi Jónsson lagði upp tvö mörk.

Fótbolti Norski boltinn

Mest lesið


Fleiri fréttir

Sjá meira


×

Mest lesið