Eldur kviknaði í bragga á Ásbrú

Samkvæmt frétt Víkurfrétta kviknaði í bragga sem liggur utan í plastverksmiðju Borgarplasts en mun eldurinn ekki hafa komist á milli bygginga.

Samkvæmt upplýsingum frá Brunavörnum Suðurnesja hafa slökkviliðsmenn rofið þak braggans til að ganga úr skugga um að engar glæður finnist þar og eldurinn lifni ekki við á nýjan leik.

Víkurfréttir segja að slökkviliðsmönnum hafi einnig tekist að koma í veg fyrir að eldurinn næði í dekkjalager sem er í bragganum. Minnst tólf slökkviliðsmenn voru sendir á vettvang.