Ó­vænt hækkun í­búða­verðs í síðasta mánuði

Vístitalan umrædda hækkaði um 0,8 prósent á milli ágúst og september. Í nýrri Hagsjá Landsbankans kemur fram að þessi mæling komi nokkuð á óvart þar sem mælingar milli mánaða, mánuðinn á undan, hafi sýnt lækkun.

Í Hagsjánni er tekið fram að þessi hækkun virðist helst skýrast af hækkun á sérbýli, þar sem lítilsháttar lækkun hafi orðið á fjölbýli. Bendir Landsbankinn á að mikið flökt sé á mælingum á sérbýli milli mánaða. Varasamt sé að lesa mikið í þær tölur.

Nánar er farið í saumana á sveiflurnar á sérbýli í greiningu Íslandsbanka sem birtist í vikunni. Þar segir að sveiflur á verði sérbýla megi rekja til þess að færri kaupsamningar liggji að baki þeim mælingum en til að mynda fjölbýlum.

„Alla jafna eru kaupsamningar á sérbýlum á höfuðborgarsvæðinu frekar fáir samanborið við íbúðir í fjölbýli eins og gefur að skilja. En á undanförnum mánuðum hafa þeir verið sérstaklega fáir. Í ágúst var 69 kaupsamningum á sérbýli á höfuðborgarsvæðinu þinglýst og í júlí voru þeir 76 en tölur fyrir septembermánuð hafa ekki verið birtar. Á síðustu 10 árum hafa kaupsamningar á sérbýlum verið að meðaltali 107 á mánuði,“ segir á vef Íslandsbankans.

Fram kom í vikunni um að merki séu um að fasteignamarkaðurinn fari kólnandi eftir miklar hækkanir síðustu missera. Þannig hefur verulega dregið úr hlutfalli íbúða sem seljast yfir ásettu verði.