Viðskipti innlent

Anna Katrín nýr fram­kvæmda­stjóri Al­freðs

Atli Ísleifsson skrifar
Anna Katrín Halldórsdóttir.
Anna Katrín Halldórsdóttir. Aðsend

Anna Katrín Halldórsdóttir hefur verið ráðin framkvæmdastjóri Alfreðs og hefur þegar tekið til starfa.

Í tilkynningu segir að Anna Katrín hafi áralanga reynslu sem stjórnandi í íslensku atvinnulífi, hafi starfað sem stjórnendaráðgjafi og setið í stjórnum fyrirtækja. 

„Hún er viðskiptafræðingur frá Háskóla Íslands, með meistaragráðu í alþjóðaviðskiptum frá Copenhagen Business School og hefur lokið AMP stjórnendanámi frá IESE Business School í Barcelona.

Anna Katrín tekur við starfinu af Halldóri Friðriki Þorsteinssyni, öðrum aðaleiganda Alfreðs, sem verið hefur framkvæmdastjóri fyrirtækisins undanfarin tvö ár. Halldór mun nú einbeita sér að erlendum mörkuðum og uppbyggingu starfseminnar erlendis,“ segir í tilkynningunni.

Alfreð er stærsti atvinnuleitarmiðill á landinu og býður upp á heildstætt kerfi fyrir fyrirtæki allt frá starfsauglýsingu til ráðningar. Alfreð fór fyrst í loftið árið 2013 og hefur vöxtur fyrirtækisins verið stöðugur síðan. Nú starfar Alfreð á fjórum mörkuðum en auk Íslands er Alfreð í Tékklandi, á Möltu og í Færeyjum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×