100 laxa holl lokadagana í Kjósinni

Þann 28. september þegar síðustu tölur voru settar inn á síðuna hjá Landssambandi Veiðifélaga var Laxá í Kjós komin í 937 laxa og líklega er alla vega ein vakt hjá þessu lokaholli inní þeim tölum. Það breytir því ekki að lokatalan í hollinu var 100 laxar og þar af nokkrir stórir drekar sem veiðimenn hafa verið að horfa á í allt sumar en gefa sig loksins þegar haustið er komið. Það verður áhugavert að sjá hvort síðustu vaktirnar í þessu holli hafi komið ánni upp fyrir 1.000 laxa en þá eru hún bara nokkurn vegin á pari við árið í fyrra en þá veiddust 1.066 laxar en það er bara nokkuð yfir meðallagi gott sumar í ánni.