Veiðimenn eru ennþá að mæta galvaskir við bakka Þingvallavatns með það markmið að setja í stóra urriða.



Við höfum heyrt af mörgum 80-90 sm og þó nokkrum aðeins yfir 90 sm en sá fyrsti sem sannarlega er mældur 100 sm veiddist í fyrradag í Þjóðgarðinum og það var veiðimaðurinn Artur Wójtowicz sem náði þessum svakalega fisk á land. Við óskum honum innilega til hamingju með þennan glæsilega fisk. Sama kvöld heyrðum við af öðrum tveimur veiðimönnum sem voru við veiðar í Þjóðgarðinum sem lönduðu átta urriðum um og yfir miðnætti. Það voru fiskar á bilinu 60-80 sm og að þeirra sögn skeði þetta bara á einum klukkutíma þegar það kom greinilega torfa inn í víkina þar sem þeir voru við veiðar. Þeir ætla ekki að gefa upp hvar sú umrædd vík er.