Stóralvarlegt ef mikið vopnabúr fylgi öfgafullum skoðunum Tryggvi Páll Tryggvason skrifar 23. september 2022 16:09 Katrín Jakobsdóttir hrósaði lögreglu fyrir vel unnin störf. Vísir/Vilhelm Það er eitt að hafa skoðanir en það er stóralvarlegt og getur leitt af sér mikinn skaða ef því fylgir að búið sé að safna miklu vopnabúri, segir Katrín Jakobsdóttir forsætisráðherra, aðspurð um hvort að hún hafi áhyggjur af því að öfgafullar skoðanir og viðhorf hafi hreiðrað um sig hér á landi. Þetta sagði Katrín að loknum ríkisstjórnarfundi í dag þar sem ráðherrar voru spurðir út í lögreglumálið sem kom upp í vikunni, þar sem fjórir íslenskir karlmenn á þrítugsaldri voru handteknir í umfangsmiklum aðgerðum löreglu. Tveir af þeim voru hnepptir í gæsluvarðhald í gær, einn í eina viku og hinn í tvær vikur, grunaðir um skipulagningu hryðjuverka. Lögregla lagði einnig hald á töluvert magn af þrívíddarprentuðum skotvopnum, auk skotfæra. Sagðir hafa rætt um fjöldamorð Hin ófullkomna mynd sem almenningur hefur af fyrirætlunum þeirra sem hnepptir voru í gæsluvarðhald í gær vegna gruns um að leggja á ráðin um hryðjuverk hér á landi hefur orðið örlítið skýrari í dag. Lögregla hefur að mestu varist frétta af málinu frá því á blaðamannafundinum í gær þar sem almenningur fékk fyrst vitneskju um málið. Karl Steinar Valsson, yfirlögregluþjónn hjá Ríkislögreglustjóra, kom í Kastljós í gær þar sem hann staðfesti að mennirnir hafi beint sjónum sínum að Alþingi og lögreglu. Karl Steinar Valsson á fundinum í gær.Vísir/Vilhelm Í forsíðufrétt Morgunblaðsins í dag kom fram, samkvæmt heimildum blaðsins, að lögregla hafi raunar talið árás yfirvofandi. Í fréttinni kom fram að mennirnir hafi einnig sýnt árshátíð lögreglunnar á höfuðborgarsvæðinu áhuga, en hún verður haldin í næstu viku. Í hádegisfréttum Ríkisútvarpsins kom einnig fram, samkvæmt heimildum fréttastofu RÚV, að mennirnir tveir sem eru í gæsluvarðhaldi hafi notað orðalagið „fjöldamorð“, samkvæmt síma- og tölvugögnum. Í því samhengi hafi þeir nefnt lögreglumenn, Alþingi og fleira. Líkt og í frétt Morgunblaðsins kom fram í frétt RÚV að mennirnir hafi beint sjónum sínum að árshátíð lögreglunnar. Kanna tengingu við norræn öfgasamtök Formaður Landssambands lögreglumanna sagði í samtali við Vísi í dag að það væri skelfilegt að hugsa til þess að mennirnir sem grunaðir eru um að hafi verið að skipuleggja hryðjuverkaárás hafi mögulega ætlað að ráðast á lögreglumenn og maka þeirra í frítíma þeirra. Í sömu frétt RÚV og vísað var hér til ofar kom fram, samkvæmt upplýsingum fréttastofu RÚV, að sá sem var hnepptur í einnar viku gæsluvarðhald í gær, hafi losnað úr gæsluvarðhaldi á þriðjudaginn í tengslum við vopnalagabrot. Degi síðar var hann handtekinn í umfangsmiklum aðgerðum lögreglu vegna málsins sem nú um ræðir. Sérsveitin var hluti af umfangsmiklum aðgerðum lögreglu á miðvikudaginn.Vísir/Vilhelm Á meðal þess sem lögregla kannar er hvort að mennirnir tengist norrænum öfgasamtökum á einhvern hátt. Bæði Morgunblaðið og RÚV hafa greint frá því að til skoðunar sé hvort að norski fjöldamorðinginn Anders Breivik, sem myrti 77 í mannskæðustu hryðjuverkaárás í sögu Noregs árið 2011, hafi verið einhvers konar fyrirmynd. Í frétt Morgunblaðsins kom fram að ofstækisáróður af því tagi hafi fundist í húsleit lögreglunnar. Telur heimildir lögreglu til afbrotavarna ekki nógu rúmar Málið hefur vakið sterk viðbrögð í samfélaginu, þar á meðal hjá Jóni Gunnarssyni dómsmálaráðherra sem fer með málefni lögreglunnar. Í viðtali við fréttastofu að loknum ríkisstjórnarfundi í dag sagði hann að til skoðunar sé að auka viðbúnað hjá lögreglu. Bregðast þurfi við aukinni skipulagðri glæpastarfsemi hér á landi. Hann hyggst leggja fram frumvarp um auknar heimildir lögreglu til afbrotavarna, sem ráðherra telur að sé ekki nógu rúmar. „Þetta er frumvarp sem fjallar um afbrotavarnir og það er kannski akkúrat það sem á við í þessu máli ef við horfum á það og eins í þessum stóru málum sem lögreglan hefur verið að upplýsa. Það er að segja að koma í veg fyrir að afbrotin eigi sér stað,“ sagði Jón. Aðspurður um hvort að vel heppnaðar aðgerðir lögreglu í vikunni, sem hún telur að hafi afstýrt mögulegri hryðjuverkaárás, hér á landi sýni ekki að heimildir lögreglu séu nógu rúmar, sagði Jón að hið fyrirhugaða frumvarp væri óskylt þessu tiltekna máli. „Þetta er algjörlega óskylt þessu máli. Okkar undirbúningur hefur fyrst og fremst verið að horfa til vaxandi skipulagðrar glæpastarfsemi á Íslandi, þess vegna erum við búin að vera að vinna þessi mál undanfarna mánuði,“ sagði Jón. Katrín hrósaði lögreglu fyrir vel unnin störf Katrín Jakobsdóttir, forsætisráðherra, ræddi einnig við fréttamenn að loknum ríkisstjórnarfundi í dag. Þar hrósaði hún lögreglu fyrir vel unnin störf. Þar var hún einnig spurð út í þann anga málsins sem tengist möguleikanum á því að mennirnir tveir aðhyllist einhvers konar öfgasinnaða hugmyndafræði. Það hlýtur að vera mikið áhyggjuefni að öfgafullar skoðanir og fyrirætlanir séu komnar hingað til lands. Hvað geta stjórnvöld gert til að bregðast við þessu? „Í þessu máli, ef við horfum á það, þá er lögregla búin að standa sig gríðarlega vel að taka utan um stöðuna sem hefði getað verið mjög hættuleg og er flókin. Ekki síst vegna þess að eitt er það að fólk hafi skoðanir eða viðhorf, þegar á að láta kylfu fylgja kasti og búið að safna að sér miklum vopnabúnaði þá er það auðvitað stóralvarlegt og getur leitt af sér mikinn skaða.“
Þetta sagði Katrín að loknum ríkisstjórnarfundi í dag þar sem ráðherrar voru spurðir út í lögreglumálið sem kom upp í vikunni, þar sem fjórir íslenskir karlmenn á þrítugsaldri voru handteknir í umfangsmiklum aðgerðum löreglu. Tveir af þeim voru hnepptir í gæsluvarðhald í gær, einn í eina viku og hinn í tvær vikur, grunaðir um skipulagningu hryðjuverka. Lögregla lagði einnig hald á töluvert magn af þrívíddarprentuðum skotvopnum, auk skotfæra. Sagðir hafa rætt um fjöldamorð Hin ófullkomna mynd sem almenningur hefur af fyrirætlunum þeirra sem hnepptir voru í gæsluvarðhald í gær vegna gruns um að leggja á ráðin um hryðjuverk hér á landi hefur orðið örlítið skýrari í dag. Lögregla hefur að mestu varist frétta af málinu frá því á blaðamannafundinum í gær þar sem almenningur fékk fyrst vitneskju um málið. Karl Steinar Valsson, yfirlögregluþjónn hjá Ríkislögreglustjóra, kom í Kastljós í gær þar sem hann staðfesti að mennirnir hafi beint sjónum sínum að Alþingi og lögreglu. Karl Steinar Valsson á fundinum í gær.Vísir/Vilhelm Í forsíðufrétt Morgunblaðsins í dag kom fram, samkvæmt heimildum blaðsins, að lögregla hafi raunar talið árás yfirvofandi. Í fréttinni kom fram að mennirnir hafi einnig sýnt árshátíð lögreglunnar á höfuðborgarsvæðinu áhuga, en hún verður haldin í næstu viku. Í hádegisfréttum Ríkisútvarpsins kom einnig fram, samkvæmt heimildum fréttastofu RÚV, að mennirnir tveir sem eru í gæsluvarðhaldi hafi notað orðalagið „fjöldamorð“, samkvæmt síma- og tölvugögnum. Í því samhengi hafi þeir nefnt lögreglumenn, Alþingi og fleira. Líkt og í frétt Morgunblaðsins kom fram í frétt RÚV að mennirnir hafi beint sjónum sínum að árshátíð lögreglunnar. Kanna tengingu við norræn öfgasamtök Formaður Landssambands lögreglumanna sagði í samtali við Vísi í dag að það væri skelfilegt að hugsa til þess að mennirnir sem grunaðir eru um að hafi verið að skipuleggja hryðjuverkaárás hafi mögulega ætlað að ráðast á lögreglumenn og maka þeirra í frítíma þeirra. Í sömu frétt RÚV og vísað var hér til ofar kom fram, samkvæmt upplýsingum fréttastofu RÚV, að sá sem var hnepptur í einnar viku gæsluvarðhald í gær, hafi losnað úr gæsluvarðhaldi á þriðjudaginn í tengslum við vopnalagabrot. Degi síðar var hann handtekinn í umfangsmiklum aðgerðum lögreglu vegna málsins sem nú um ræðir. Sérsveitin var hluti af umfangsmiklum aðgerðum lögreglu á miðvikudaginn.Vísir/Vilhelm Á meðal þess sem lögregla kannar er hvort að mennirnir tengist norrænum öfgasamtökum á einhvern hátt. Bæði Morgunblaðið og RÚV hafa greint frá því að til skoðunar sé hvort að norski fjöldamorðinginn Anders Breivik, sem myrti 77 í mannskæðustu hryðjuverkaárás í sögu Noregs árið 2011, hafi verið einhvers konar fyrirmynd. Í frétt Morgunblaðsins kom fram að ofstækisáróður af því tagi hafi fundist í húsleit lögreglunnar. Telur heimildir lögreglu til afbrotavarna ekki nógu rúmar Málið hefur vakið sterk viðbrögð í samfélaginu, þar á meðal hjá Jóni Gunnarssyni dómsmálaráðherra sem fer með málefni lögreglunnar. Í viðtali við fréttastofu að loknum ríkisstjórnarfundi í dag sagði hann að til skoðunar sé að auka viðbúnað hjá lögreglu. Bregðast þurfi við aukinni skipulagðri glæpastarfsemi hér á landi. Hann hyggst leggja fram frumvarp um auknar heimildir lögreglu til afbrotavarna, sem ráðherra telur að sé ekki nógu rúmar. „Þetta er frumvarp sem fjallar um afbrotavarnir og það er kannski akkúrat það sem á við í þessu máli ef við horfum á það og eins í þessum stóru málum sem lögreglan hefur verið að upplýsa. Það er að segja að koma í veg fyrir að afbrotin eigi sér stað,“ sagði Jón. Aðspurður um hvort að vel heppnaðar aðgerðir lögreglu í vikunni, sem hún telur að hafi afstýrt mögulegri hryðjuverkaárás, hér á landi sýni ekki að heimildir lögreglu séu nógu rúmar, sagði Jón að hið fyrirhugaða frumvarp væri óskylt þessu tiltekna máli. „Þetta er algjörlega óskylt þessu máli. Okkar undirbúningur hefur fyrst og fremst verið að horfa til vaxandi skipulagðrar glæpastarfsemi á Íslandi, þess vegna erum við búin að vera að vinna þessi mál undanfarna mánuði,“ sagði Jón. Katrín hrósaði lögreglu fyrir vel unnin störf Katrín Jakobsdóttir, forsætisráðherra, ræddi einnig við fréttamenn að loknum ríkisstjórnarfundi í dag. Þar hrósaði hún lögreglu fyrir vel unnin störf. Þar var hún einnig spurð út í þann anga málsins sem tengist möguleikanum á því að mennirnir tveir aðhyllist einhvers konar öfgasinnaða hugmyndafræði. Það hlýtur að vera mikið áhyggjuefni að öfgafullar skoðanir og fyrirætlanir séu komnar hingað til lands. Hvað geta stjórnvöld gert til að bregðast við þessu? „Í þessu máli, ef við horfum á það, þá er lögregla búin að standa sig gríðarlega vel að taka utan um stöðuna sem hefði getað verið mjög hættuleg og er flókin. Ekki síst vegna þess að eitt er það að fólk hafi skoðanir eða viðhorf, þegar á að láta kylfu fylgja kasti og búið að safna að sér miklum vopnabúnaði þá er það auðvitað stóralvarlegt og getur leitt af sér mikinn skaða.“
Grunaðir um skipulagningu hryðjuverka Lögreglumál Lögreglan Skotvopn Ríkisstjórn Katrínar Jakobsdóttur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Straumhvörf í veðrinu Innlent Stjórnarmaður í RÚV segir opinber hlutafélög fé án hirðis Innlent Handtekinn í tengslum við áform um að ráða Selenskí af dögum Erlent Kennedy-fjölskyldan lýsir yfir stuðningi við Biden Erlent Kæra bónda eftir að 29 naut fundust dauð Innlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Katrín á toppnum um allt land Innlent Fleiri fréttir Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Sjá meira
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent