Körfubolti

Belgar réðu ekki við Doncic

Atli Arason skrifar
Luka Doncic skoraði 35 stig, tók 5 fráköst og gaf 5 stoðsendingar í sigrinum á Belgíu í dag.
Luka Doncic skoraði 35 stig, tók 5 fráköst og gaf 5 stoðsendingar í sigrinum á Belgíu í dag. Getty Images

Luka Doncic skoraði tæplega helming stiga Slóvena þegar sótti enn einn sigurinn fyrir Evrópumeistara í 16 stiga sigri Slóvena á Belgíu í 16-liða úrslitum EuroBasket í dag, lokatölur 88-72.

Slóvenar unnu fyrstu leikhluta en Belgar komu til baka í öðrum en staðan í hálfleik var 44-41. Doncic gerði 16 af 44 stigum Slóvena í fyrri hálfleik.

Belgar neituðu að gefast upp og héldu áfram að vinna sig inn í leikinn en þriðji leikhluti var jafn frá upphafi til enda. Í loka leikhlutanum tókst Belgum svo að komast yfir í fyrsta skipti í leiknum í stöðunni 63-64.

Þá tók Doncic leikinn aftur í sínar hendur og skoraði næstu fimm stig Slóvena til að endurheimta forystuna. Slóvenar byggðu svo hægt og rólega ofan á forskot sitt í fjórða leikhluta og unnu leikinn að lokum með 16 stigum, 88-72.

Luka Doncic var lang stigahæsti leikmaður vallarins í dag með 35 stig. Pierre-Antoine Gillet, leikmaður Belgíu, var næst stigahæstur með 15 stig.

Slóvenar munu mæta annað hvort Úkraínu eða Póllandi í 8-liða úrslitum næsta miðvikudag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.