Júlía tekur við stöðunni af Margréti hjá Ölgerðinni

Atli Ísleifsson skrifar 7. september 2022 09:24

Júlía Eyfjörð Jónsdóttir hefur verið ráðin nýr framkvæmdastjóri framleiðslu- og tæknisviðs Ölgerðarinnar.

Hún tekur af stöðunni af Margréti Arnardóttur sem hefur hætt störfum eftir að hafa starfað hjá félaginu frá 2016.

Í tilkynningu frá Ölgerðinni til Kauphallar segir að Júlía sé 29 ára gömul og hafi hafið feril sinn hjá Ölgerðinni beint að loknu verkfræðinámi árið 2017. Þá hafi hún unnið við fjölmörg störf hjá fyrirtækinu síðan. Hún starfaði við framleiðslu, umbótastjórnun, upplýsingatækni og var nú síðast leiðtogi stafrænnar þróunar Ölgerðarinnar.

Haft er eftir Júlíu að hún taki við góðu búi frá Margréti og hlakki hún mikið til að starfa með þeim öfluga hópi sem sé á framleiðslu- og tæknisviði Ölgerðarinnar. „Ég er spennt að takast á við nýjar og krefjandi áskoranir og er þakklát fyrir tækifærið og það traust sem mér er sýnt,“ segir Júlía.

Júlía er með M.Sc. gráðu í rekstrarverkfræði frá Háskólanum í Reykjavík og B.S. gráðu í iðnaðarverkfræði frá Háskóla Íslands. Hún hefur þegar hafið störf sem framkvæmdastjóri hjá Ölgerðinni.

Vistaskipti Ölgerðin Kauphöllin

Tengdar fréttir

Margrét hættir hjá Ölgerðinni

Margrét Arnardóttir hefur óskað að láta af störfum sem framkvæmdastjóri framleiðslu- og tæknisviðs Ölgerðarinnar og samið um starfslok sín.

7. september 2022 07:48

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.