Viðskipti innlent

Gestur tekur við af Rúnari hjá PCC BakkiSilicon

Atli Ísleifsson skrifar
Gestur Pétursson.
Gestur Pétursson. PCC

Gestur Pétursson, fyrrverandi forstjóri Veitna og Elkem, hefur verið ráðinn nýr forstjóri PCC BakkiSilicon. Hann tekur við starfinu af Rúnari Sigurpálssyni sem mun halda áfram störfum fyrir PCC samstæðuna og einbeita sér að þróunarverkefnum á Íslandi.

Þetta kemur fram í tilkynningu. Þar er haft eftir Gesti að það sé spennandi fyrir sig að ganga til liðs við hópinn hjá PCC Bakka og vinna að þeim tækifærum sem þar hafi myndast vegna þeirrar miklu og góðu vinnu sem unnin hafa verið þar á undanförnum árum. „Ennfremur, framtíðar vaxtartækifæri sem eru fólgin í virðiskeðju kísilmáls eru traustur grunnur til virðisauka, bæði fyrir viðskiptavini og starfsfólk PCC.“

Fráfarandi forstjóri, Rúnar Sigurpálsson, segir árin á Bakka hafa verið viðburðarrík. „Eftir margvíslega upphafserfiðleika sem og COVID þá er rekstur verksmiðjunnar orðinn stöðugur. Ennfremur, eftir að vel heppnaðri fjárhagslegri endurskipulagninu lauk nú í vor, þá er félagið vel í stakk búið til að takast á við framtíðaráskoranir. Þess vegna tel ég að þetta sé afar góður tímapunktur fyrir mig að rétta nýjum manni keflið og hlakka til að takast á við ný verkefni innan PCC samstæðunnar.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.