Viðskipti erlent

On­lyFans greiddi eig­andanum rúma 72 milljarða króna

Ellen Geirsdóttir Håkansson skrifar
Viðskiptavinum OnlyFans fjölgaði um 128 prósent árið 2021.
Viðskiptavinum OnlyFans fjölgaði um 128 prósent árið 2021. Getty/Jakub Porzycki/Nur Photo

Áskriftarvefurinn OnlyFans sem er best þekktur fyrir hýsingu á erótísku efni gegn gjaldi, er sagður hafa greitt eiganda síðunnar 500 milljónir dollara eða um 72,1 milljarð íslenskra króna á síðustu átján mánuðum vegna mikillar aukningar í fjölda viðskiptavina.

Vefurinn er staður þar sem fagfólk innan fjölbreyttra geira geti birt efni gegn greiðslu. Þar megi nefna tónlistarmenn og einkaþjálfara að erótíska kimanum ógleymdum en OnlyFans taki 20 prósent þóknun af þeim pening sem greiddur er til þeirra sem birta efni á miðlinum. BBC greinir frá þessu.

Hagnaður vefsins fyrir skatt árið 2021 er sagður hafa verið verið 433 milljónir dollara eða um 62,4 milljarðar íslenskra króna. Sé litið til ársins 2020 megi sjá mikla aukningu í hagnaði en þá var hagnaður fyrirtækisins 61 milljón dollara fyrir skatt eða um 8,8 milljarðar íslenskra króna.

Viðskiptavinum síðunnar hafi fjölgað gríðarlega á meðan kórónuveirufaraldrinum stóð en árið 2021 hafi þeim fjölgað um 128 prósent.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.