Halla, sem var fyrir sjóðstjóri á eignastýringarsviði sjóðsins með áherslu á erlendar fjárfestingar, hefur starfað hjá LSR undanfarin fimmtán ár. Hún er viðskiptafræðingur að mennt auk þess að hafa lokið meistaragráðu í fjármálum við Boston College háskólann í Bandaríkjunum.
Tekur hún við sem yfirmaður eignastýringarsviðs LSR af Birni Hjaltested Gunnarssyni sem lét formlega af störfum í lok júnímánaðar eftir að hafa stýrt því frá árinu 2015. Í kjölfarið var starfið auglýst laust til umsóknar.
Í árslok 2021 var LSR, sem er á meðal stærstu hluthafa í flestum innlendum félögum í Kauphöllinni, með eignir í stýringu að fjárhæð um 1.350 milljarða króna. Sjóðurinn var með um 10 prósenta hreina raunávöxtun í fyrra en síðustu fimm ár hefur raunávöxtun LSR verið að meðaltali um 8,3 prósent.
Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.
