Lífið

„Við græðum bara á því“

Elísabet Hanna skrifar
Ástrós Trausta er ekkert að kippa sér upp við neikvæðar athugasemdir á kommenta kerfinu.
Ástrós Trausta er ekkert að kippa sér upp við neikvæðar athugasemdir á kommenta kerfinu. Stöð 2

Í kvöld verður fyrsti þátturinn af LXS frumsýndur á Stöð 2 en dansarinn Ástrós Traustadóttir er ein af þeim stelpum sem hafa opnað dyrnar að lífi sínu fyrir áhorfendum. Vísir fékk að heyra meira af því hvernig tilfinningin sé að þátturinn sé að fara í loftið en Ástrós segist vera sultuslök fyrir stóra kvöldið. 

Yndislegar stundir

„Ég er alveg sultuslök, miklu meiri spenningur en eitthvað stress,“ segir hún fyrir frumsýningu þáttanna sem fara í loftið í kvöld. Hún segir þetta farið að vera svolítið raunverulegt þar sem aðrir séu loksins að fara að sjá þættina.

„Það er búið að vera sjúklega gaman að taka upp. Við erum búnar að eiga yndislegar stundir saman að gera þá og það er það eina sem skiptir máli,“ segir hún. „Okkar upplifun var jákvæð og vonandi skín það bara í gegn.“ LXS Hópurinn samanstendur af þeim Birgittu Líf, Ástrós Trausta, Magneu Björg, Sunnevu Einars og Ínu Maríu.

Nýtt og örlítið ógnvekjandi

Aðspurð hvernig tilfinningin sé að hleypa áhorfendum svona inn í líf sitt segir Ástrós það ekki fá mikið á sig: „Þetta er klárlega nýtt og pínu ógnvekjandi en samt á mjög jákvæðan hátt. Það er miklu meira sem fólk fær að sjá í LXS en á Instagram. Meira af okkur, lífinu og persónuleikunum okkar.“

Stelpurnar hittust fyrr í dag og eru spenntar að deila þáttunum með áhorfendum.Stöð 2

Ekkert leikið

Þegar hugmyndin að þáttunum kom fyrst upp á borðið fannst þeim hún spennandi en það var ekki fyrr en eftir að hafa hitt framleiðendur þáttanna, hjá Ketchup Creative, sem Ástrós var alveg sannfærð. „Eftir fundinn með þeim hugsaði ég bara: Vá geðveikt því þá kom í ljós að við fengum að ráða þessu alveg sjálfar. Við gátum passað að þetta væri 100% raunverulegt, ekkert set up og ekkert leikið sem skipti okkur mestu máli,“ segir hún um áherslurnar. 

„Okkur langaði að þetta væri blanda af The Real Housewives og The Kardashians og við náðum að framkalla þá stemningu í þessum þáttum,“ segir hún um innblásturinn.

Slakar fyrir frumsýningunni

„Ég myndi segja að við séum frekar slakar,“ segir Ástrós um stemninguna fyrir kvöldinu hjá hópnum. „Ég var persónulega mjög stressuð fyrir forsýningarpartýinu því það var í fyrsta skipti sem einhver annar en við sá þættina en eftir það urðum við allar rólegri. Þá heyrðum við fólk hlæja og fengum jákvæð viðbrögð svo það hjálpaði taugunum fyrir kvöldið í kvöld,“ segir hún. Forsýningarpartý þáttanna var haldið á sunnudaginn á Bankastræti Club.

„Við ætlum örugglega bara að kúra heima í kvöld og horfa á þáttinn með okkar fólki því við erum búnar að horfa allar saman í partýinu og búnar að fagna saman og þetta er ekta dagur til þess að hafa það kósí upp í sófa.“

Kannski smá drama

„Ég myndi segja að fyrsti þáttur sé kynning á okkur og okkar vinskap. Áhorfendur fá aðeins að komast inn í lífið okkar og síðan taka við allskonar djúsí ferðir í framhaldinu. Við fórum líka í skemmtilegar kennslur og prófuðum helling af nýjum hlutum. Og svo er kannski smá drama, eins og fylgir stórum karakterum eins og við erum.“

Viðbrögð annarra skipta engu máli

Ástrós segir þau viðbrögð sem þátturinn hefur verið að fá fram að þessu mest megnis jákvæð. Hún segir þá sem hafa eitthvað neikvætt að segja oftast halda sig á kommenta kerfum á netinu en hún segir þær ekki fylgjast með því.

„Það er alltaf einhver sem hefur eitthvað neikvætt að segja en engin af okkur er að skoða kommenta kerfin svo það er ekki að hafa nein áhrif á okkur,“ þar að auki telur hún þá umfjöllun ekki skemma fyrir þeim: „Því fleiri komment sem umfjöllunin er að fá því lengra fer fréttin svo það böggar okkur ekki neitt, við græðum bara á því.“

LXS

Tengdar fréttir

Myndaveisla: LXS partý

Forsýningarpartý raunveruleikaþáttanna LXS fór fram á Bankastræti Club þar sem glamúrinn var allsráðandi. Í veislunni voru tveir fyrstu þættirnir sýndir og skálað var fyrir verkefninu. Margt var um manninn og voru gestir klæddir sínu fínasta pússi en stjörnur kvöldsins voru án efa LXS píurnar.

Fyrsta stiklan úr raunveruleikaþáttunum LXS

Fyrsta stiklan úr raunveruleikaþáttunum LXS hefur verið birt. Í henni má sjá brot úr ferðalögum áhrifavaldanna þar sem Magnea kemur meðal annars með þá fleygu setningu: „Everything is planned out from A to Ö.“

LXS raun­veru­leika­þættir á leiðinni

Nýir íslenskir raunveruleikaþættir þar sem fylgst verður með lífi samfélagsmiðlastjarnanna í LXS vinkonuhópnum eru væntanlegir á Stöð 2 í haust. Hópurinn samanstendur af þeim Birgittu Líf, Ástrós Trausta, Magneu Björg, Sunnevu Einars og Ínu Maríu.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.