Albumm

Albumm gerir samning við SIRKUS

Steinar Fjeldsted skrifar
Steinar Fjeldsted og Sigrún Guðjohnsen stofnendur og eigendur Albumm.com.
Steinar Fjeldsted og Sigrún Guðjohnsen stofnendur og eigendur Albumm.com.

Tónlistar- og menningarvefurinn Albumm.com gerir samning við skemmtistaðinn Sirkus um tónleikahald.

Sirkus opnaði að nýju fyrir stuttu og hafa móttökurnar verið vægast sagt glimrandi. Sirkus á sér langa sögu og var einn vinsælasti skemmtistaður landsins en staðnum var lokað árið 2007 en tveimur árum síðar var útibú opnað í Færeyjum. Margar hljómsveitir og listafólk sóttu staðinn og má nefna t.d. færeysku listamennina Eivöru Pálsdóttur og pönksveitina 200 en margir færeyskir listamenn hafa tengst Sirkus á einn eða annan hátt. Að sjálfsögðu var staðurinn ávallt stappaður af íslensku listafólki og má t.d nefna Sigur Rós, Björk, Botnleðju, Quarashi, Maus, Ensími og fleiri.

Allt er eins og það á að vera, pálmatrén eru á sínum stað og að sjálfsögðu borðin en þau eru öll skreytt af okkar helstu listamönnum. Hátt í tuttugu listamenn tóku þátt í að skreyta allan staðinn, sem setur skemmtilegan svip á staðinn. Albumm mun halda nokkra tónleika í mánuði á Sirkus og verður engin tónlistarstefna látin ósnert.

„Það er kominn tími á að halda tónleika á flottum stað eins og Sirkus. Þetta er besti staður bæjarins og þess vegna völdum við Sirkus. Væbið þarna inni er einstakt og stemningin frábær, ekki flóknara en það," segir Steinar Fjeldsted einn af eigendum Albumm.com.

Hægt er að sjá dagskrána fyrir ágúst hér að ofan.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.