Innlent

Gossvæðinu lokað á morgun

Bjarki Sigurðsson skrifar
Eldgos í Merardölum Fagradalsfjall 2022
Eldgos í Merardölum Fagradalsfjall 2022 Vísir/Vilhelm

Lögreglustjórinn á Suðurnesjum hefur ákveðið að gosstöðvarnar í Meradölum verði lokaðar á morgun. Lokunin hefst klukkan fimm um morgun og verður staðan endurmetin seinna um daginn.

Gular viðvaranir taka gildi á svæðinu klukkan níu í fyrramálið þar sem gert er ráð fyrir mikilli rigningu og hvassviðri. Gert er ráð fyrir þrettán til átján metrum á sekúndu.

„Varasamt fyrir ökutæki sem taka á sig mikinn vind og einnig fyrir gangandi og hjólandi ferðalanga. Ekkert ferðaveður verður á gossvæðinu á meðan viðvörunin er í gildi,“ segir í tilkynningu frá lögreglunni.

Þá biðja almannavarnir fólk um að láta erlenda ferðamenn vita af lokuninni. Þeirri beiðni er sérstaklega beint til starfsmanna í ferðaþjónustu, á gististöðum og aðra sem eiga í samskiptum við ferðamenn.

Eldgos og jarðhræringar Eldgos í Fagradalsfjalli Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið