Enski boltinn

Flest niðrandi ummæli um leikmenn Manchester United

Hjörtur Leó Guðjónsson skrifar
Harry Maguire og Cristiano Ronaldo eru þeir leikmenn sem geta lesið hvað flest niðrandi ummæli um sjálfa sig á Twitter.
Harry Maguire og Cristiano Ronaldo eru þeir leikmenn sem geta lesið hvað flest niðrandi ummæli um sjálfa sig á Twitter. David S. Bustamante/Soccrates/Getty Images

Einu sinni á hverjum fjórum mínútum eru niðrandi ummæli um leikmenn ensku úrvalsdeildarinnar í knattspyrnu birt á Twitter, en það eru leikmenn Manchester United sem fá verstu útreiðina.

Þetta kemur fram í niðurstöðum í skýrslu sem Ofcom og Alan Turing Institute birti í dag. Af þeim tíu leikmönnum sem fá hvað mest að heyra það á samfélagsmiðlinum Twitter eru átta þeirra sem leika með United.

Í skýrslunni eru yfir tvær milljónir ummæla á Twitter skoðuð. Ummælin voru öll birt á fimm mánaða tímabili sem náði yfir fyrri hluta tímabilsins í ensku úrvalsdeildinni á seinasta tímabili. Í skýrslunni kemur fram að um 57 prósent ummæla um leikmenn eru jákvæð, 27 prósent hlutlaus, 12,5 prósent gagnrínin og 3,5 prósent niðrandi. Fjöldi niðrandi færslna var um 60 þúsund.

Um það bil helmingi þessara niðrandi skilaboða var beint að tólf leikmönnum deildarinnar. Af þessum tólf leikmönnum leika átta með Manchester United, og í rauninni eru þessir átta leikmenn United allir í efstu tíu sætunum yfir niðrandi færslur.

Cristiano Ronaldo er sá leikmaður sem getur lesið flest niðrandi ummæli um sjálfan sig, eða 12.520 talsins. Næstur á eftir honum er liðsfélagi hans, Harry Maguire, en rétt tæplega 9.000 niðrandi ummæli birtust um hann á tímabilinu.

Það þarf að fara alveg niður í fimmta sæti listans til að finna leikmann sem spilar ekki með United, en fyrirliði enska landsliðsins og stjörnuframherji Tottenham, Harry Kane, er fyrsti leikmaðurinn utan United sem kemst á þennan lista.

Ásamt Ronaldo og Maguire eru þeir Marcus Rashford, Bruno Fernandes, Fred, Jesse Lingard, Paul Pogba og David de Gea á listanum, en þeir voru allir leikmenn United þegar rannsóknin stóð yfir.

Ásamt Harry Kane er Jack Grealish einnig á listanum, þrátt fyrir að vera ekki leikmaður Manchester United.

Í rann­sókn­inni var skoðað yfirtvömillj­ón Twittter um­mæli á fyrstu fimm mánuði síðasta tíma­bils í ensku deild­inni. Þar kom fram að flest um­mæli um leik­menn eru já­kvæð en það voru 57% af þeim. Síðan voru 27% hlut­laus, 12.5% gagn­rýn­in og 3.5% niðrandi. Þau niðrandi skila­boð voru 60.000 tals­ins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.