Körfubolti

Þór Þorlákshöfn mætir kýpversku meisturunum í Evrópubikarnum

Hjörtur Leó Guðjónsson skrifar
Lárus Jónsson og lærisveinar hans í Þór Þorlákshöfn mæta Petrolina AEK í fyrstu umferð forkeppni Evrópubikarsins.
Lárus Jónsson og lærisveinar hans í Þór Þorlákshöfn mæta Petrolina AEK í fyrstu umferð forkeppni Evrópubikarsins. vísir/hulda margrét

Þór Þorlákshöfn mætir kýpversku meisturunum Petrolina AEK í fyrstu umferð undankeppni Evrópubikarsins í körfubolta, en dregið var í dag.

Þórsarar voru í neðsta styrkleikaflokki þegar dregið var. Lárus Jónsson og lærisveinar hans þurfa því að vinna þrjá leiki til að tryggja sér sæti í riðlakeppninni.

Búið er að draga í allar umferðir forkeppninnar og því er strax hægt að fara að velta fyrir sér hverjir mögulegir mótherjar Þórsara verða komist þeir áfram.

Takist liðinu að sigra Petrolina AEK í fyrstu umferð mæta þeir Antwerp Giants í annarri umferð. Elvar Már Friðriksson lék með Antwerp Giants á seinustu leiktíð, en liðið hafnaði í fimmta sæti deildarinnar.

Fari það svo að Þórsarar hafi betur gegn belgíska liðinu mæta þeir Sporting frá Portúgal, Göttingen frá Þýskalandi eða Trepca frá Kósosvó í úrslitaleik um sæti í riðlakeppninni.




Fleiri fréttir

Sjá meira


×