Körfubolti

Ægir Þór semur við HLA Alicante

Atli Arason skrifar
Ægir Þór mun spila með HLA Alicante á næsta leiktímabili
Ægir Þór mun spila með HLA Alicante á næsta leiktímabili Twitter/HLA Alicante

Ægir Þór Steinarsson, landsliðsmaður í körfubolta, hefur fundið sér nýtt lið á Spáni og hefur samið við HLA Alicante í LEB Oro deildinni. Ægir skrifaði undir eins árs samning við liðið.

Ægir Þór lék með Acunsa Gipukoza á síðasta ári í sömu deild sem er næst efsta deild í spænska körfuboltanum. Ægir mun því mæta sínum fyrrum liðsfélögum á næsta tímabili. Alicante endaði í 12. sæti af 18 liðum í LEB Oro á síðasta leiktímabili.

Mörg íslensk lið vildu óð fá Ægi til liðs við sig fyrir komandi átök í Subway-deildinni en það var þó alltaf í forgangi hjá leikmanninum að skoða möguleikana erlendis fyrst. Íslenskir körfubolta unnendur þurfa því að bíða lengur eftir að sjá þennan fjölhæfa leikmann leika listir sínar hérna heima.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.