Veiði

Birtingurinn mættur í Varmá

Karl Lúðvíksson skrifar

Sumarveiðin í Varmá er vanmetin og hefur verið flottur gangur í sumar, sjóbirtingurinn var mættur um miðjan júní og núna fara göngurnar að fara að af stað fyrir alvöru.

Andri Fannberg var í Varmá um helgina og sagði að það var mikið af fiski á svæðinu og að sjóbirtingurinn er mættur fyrir ofan Reykjafoss. Hann sagði að það var mikið af sjóbirtingi í Reykjafossi. Hann landaði nokkrum vænum fiskum og var sá stærsti rúmlega 60 cm. Einn mjög stór fiskur hafði betur eftir langa viðureign í beygjunni fyrir neðan Stöðvarbreiðu.

Um daginn veiddist einnig svakalegur bolti sem tók lítinn Peacock í Stöðvarbreiðunni, hann mældist 78cm að lengd og 48cm í ummál! Það var danskur veiðimaður sem heitir David Thormar sem landaði drekanum en hann sagði að það var ekkert grín því fiskurinn hreinlega gafst ekki upp, þetta var fyrsti fiskurinn hans á nýju Sage R8 stöngina sína, ekki slæm eldskírn!




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.