Golf

Haraldur og Guðmundur á pari og komust ekki á The Open

Hjörtur Leó Guðjónsson skrifar
Haraldur Franklín Magnús og Guðmundur Ágúst Kristjánsson freistuðu þess í dag að komast inn á The Open.
Haraldur Franklín Magnús og Guðmundur Ágúst Kristjánsson freistuðu þess í dag að komast inn á The Open. seth@golf.is

Þeir Haraldur Franklín Magnús og Guðmundur Ágúst Kristjánsson reyndu báðir fyrir sér á lokaúrtökumótinu fyrir The Open, opna breska meistaramótið í golfi, í dag. Báðir léku þeir hringina tvo á pari og komust því ekki inn á þetta virta risamót.

Lokaúrtökumótið fór fram á fjórum völlum samtímis þar sem efstu fjórir af hverjum velli fyrir sig unnu sér inn sæti á The Open sem fram fer um miðjan júlí. Haraldur og Guðmundur kepptu á The Prince's vellinum á Englandi.

Lokaúrtökumótið fór þannig fram að leiknir voru tveir hringir í dag, eða 36 holur, og að þeim loknum voru það þeir fjórir sem léku best á hverjum velli fyrir sig sem unnu sér inn sæti á The Open.

Haraldur og Guðmundur léku hringina tvo báðir á pari og enduðu þar með jafnir í 11. sæti ásamt sex öðrum kylfingum.

Það voru þeir Matthew Ford frá Englandi og Ronan Mullarney frá Írlandi sem unnu sér inn keppnisrétt á The Open af The Prince's vellinum, en sex aðrir kylfingar enduðu jafnir í þriðja sæti og þurfa því að leika bráðabana um lausu sætin tvö sem eftir eru.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.