Stefnt er að því að hefja notkun á vélunum næsta sumar.Lufthansa
Flugfélagið Lufthansa hyggst byrja að nota Airbus A380-farþegaþotur sínar að nýju. Flugfélagið hefur ekki notast við þoturnar síðan árið 2020 þar sem ekki var hægt að fylla þær af farþegum í miðjum heimsfaraldri.
Í tilkynningu frá félaginu segir að þoturnar séu stærstu farþegaþotur sögunnar. Þær eru 73 metrar að lengd og komast 509 farþegar fyrir í þeim.
Flugfélagið ætlar að byrja að nota allar átta Airbus A380-þotur sínar frá og með næsta sumri. Félagið notaðist við fjórtán þotur áður en heimsfaraldurinn skall á en hefur náð að selja sex af þeim vélum.
Airbus A380 er ekki lengur framleidd þar sem helsti pöntunaraðili vélanna, flugfélagið Emirates, ákvað að fækka og minnka pantanir sínar á vélunum. Viðskiptamódel flugfélagsins var byggt á notkun vélanna en þar sem það gekk erfiðlega að standa í samkeppni við önnur flugfélög var ákveðið að notast einnig við minni vélar.
Í tilkynningunni frá Lufthansa er einnig greint frá því að félagið sé búin að panta meira en 110 farþegaþotur sem taka á í notkun á næstu árum. Þoturnar eru af gerðunum AirbusA350, Boeing 787, Boeing 777-9 og Airbus 320/321.
Framleiðslu stærstu farþegaþotu heims, Airbus A380, var bjargað í dag þegar Emirates-flugfélagið pantaði allt að 36 eintök, en Airbus hefði að öðrum kosti hætt smíði hennar.
Evrópski flugvélaframleiðandinn Airbus hefur tilkynnt að framleiðslu á Airbus A380, stærstu farþegaþotu heims, verði hætt frá og með árinu 2021.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
