Golf

Ólafía ofarlega eftir flottan fyrsta hring

Sindri Sverrisson skrifar
Ólafía Þórunn Kristinsdóttir er mætt aftur á golfvöllinn og keppir á Evrópumótaröðinni.
Ólafía Þórunn Kristinsdóttir er mætt aftur á golfvöllinn og keppir á Evrópumótaröðinni. golf.is

Ólafía Þórunn Kristinsdóttir lék á pari vallarins á fyrsta hring á opna belgíska mótinu í golfi í dag en mótið er hluti af Evrópumótaröðinni.

Ólafía sneri aftur til keppni fyrir rúmri viku í Frakklandi á sínu fyrsta móti í tuttugu mánuði, eftir að hafa eignast barn á síðasta ári. Þar átti hún erfitt uppdráttar og endaði í 100. sæti.

Nú er Ólafía mætt á annað mót á Evrópumótaröðinni, í Belgíu, og lék fyrsta hring af þremur á pari eins og fyrr segir.

Hún fékk tvo skolla á fyrri níu holunum en bætti upp fyrir það með tveimur fuglum á seinni níu.

Þegar þetta er skrifað er Ólafía í 29.-42. sæti af 126 kylfingum en enn á hluti hópsins eftir að skila sér í hús. Linn Grant frá Svíþjóð er efst á -6 höggum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.