Íbúar á Austurlandi bjartsýnastir á veðursæld í sumar

Ólafur Björn Sverrisson skrifar 27. maí 2022 12:06

Veðrið hefur við íbúa Seyðisfjarðar síðustu sumur og könnunin endurspeglar það. Foto: Vilhelm Gunnarsson/Vilhelm Gunnarsson

Maskína hefur birt könnun um vonir landsmanna til veðursældar í sumar. Áberandi er hve bjartsýnir íbúar á Norður- og Austurlandi eru á gott veður í sumar, samanborið við íbúa höfuðborgarsvæðisins sem ekki eru jafn vongóðir.

Samkvæmt niðurstöðum Maskínu, sem sjá má hér að neðan, halda um 92 prósent íbúa Austurlands að veðrið verði gott á sínum landshluta. 85 prósent íbúa Norðurlands eru sama sinnis. Ekki er fyrir að fara neinum svarendum frá Norður- eða Austurlandi sem halda að veðrið muni vera slæmt.

Sama er ekki uppi á teningnum hjá íbúum höfuðborgarsvæðisins, en um helmingur íbúa þess hafa trú á góðu veðri í sumar. Um sjö til átta prósent halda að veðrið verði slæmt í sumar.

Íbúar Norður- og Austurlands eru töluvert vongóðari um gott veður en íbúar höfuðborgarsvæðisinsmaskína

Niðurstöðurnar má kynna sér í heild sinni í skjalinu hér að neðan.

maskinuskyrslaPDF1.3MB
Sækja skjal

Veður Skoðanakannanir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.