Innlent

Kanna hvort beita þurfi frekari þvingunar­úr­ræðum

Atli Ísleifsson skrifar
Gervigrasvöllurinn í Laugardal. Maðurinn hefur ítrekað sýnt á sér kynfærin við æfingasvæði Ármanns og Þróttar í Reykjavík á síðustu árum og eru foreldrar orðnir langþreyttir á ástandinu.
Gervigrasvöllurinn í Laugardal. Maðurinn hefur ítrekað sýnt á sér kynfærin við æfingasvæði Ármanns og Þróttar í Reykjavík á síðustu árum og eru foreldrar orðnir langþreyttir á ástandinu. Vísir/Vilhelm

Lögregla á höfuðborgarsvæðinu handtók í gær karlmanninn sem hefur ítrekað berað sig fyrir framan börn í Laugardalnum í Reykjavík. Hann var handtekinn eftir að hafa berað sig á ný um klukkan 18 í gær.

Í dagbók lögreglu segir að maðurinn hafi verið í mjög slæmu ástandi sökum ölvunar og vímuástands og var ekki hægt að ræða við hann á vettvangi.

„Viðkomandi er því í haldi lögreglu og reynt verður að ræða við hann í fyrramálið ef af honum verður runnið þá. Að yfirheyrslu lokinni verður kannað hvort það þurfi að beita frekari þvingunarúrræðum vegna háttsemi mannsins,“ segir í dagbók lögreglu.

Síðast var sagt frá háttsemi mannsins í fjölmiðlum á þriðjudag en þá var greint frá því að móðir stúlku sem lenti í manninum hafi ætlað að kæra hann til lögreglu. Maðurinn hefur ítrekað sýnt á sér kynfærin við æfingasvæði Ármanns og Þróttar í Reykjavík á síðustu árum og eru foreldrar orðnir langþreyttir á ástandinu.

Maðurinn var dæmdur í fimm mánaða skilorðsbundið fangelsi í mars á þessu ári fyrir að hrækja á lögreglumann og fyrir að bera sig og kasta af sér þvagi í viðurvist barna við æfingasvæði í Laugardalnum.

Þá var honum gert að greiða börnunum fjórum sem hann kastaði af sér þvagi fyrir framan, hverju um sig, 200 þúsund krónur.


Tengdar fréttir

Á skilorði en heldur áfram að bera sig

Karlmaður hefur ítrekað berað sig fyrir framan börn í Laugardal og eru foreldrar orðnir langþreyttir á ástandinu. Móðir stúlku sem lenti í manninum í gær ætlar að kæra hann til lögreglu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×