Viðskipti innlent

Eva Lauf­ey ráðin markaðs- og upp­lifunar­stjóri Hag­kaups

Atli Ísleifsson skrifar
Eva Laufey hefur verið ein vinsælasta sjónvarpskona landsins um árabil.
Eva Laufey hefur verið ein vinsælasta sjónvarpskona landsins um árabil. Aðsend

Eva Laufey Kjaran Hermannsdóttir hefur verið ráðin sem markaðs- og upplifunarstjóri Hagkaups. 

Frá þessu segir í tilkynningu frá Hagkaup. Eva Laufey er viðskiptafræðingur að mennt og hefur starfað sem dagskrárgerðarmaður á Stöð 2 undanfarin níu ár þar sem hún hefur komið að dagskrárgerð í sjónvarpi, meðal annars í Íslandi í dag og Blindum bakstri. Eva hefur sömuleiðis komið að dagskrárgerð í útvarpi og er annar þáttarstjórnandi í þáttunum Bakaríið á Bylgjunni.

„Eva tekur við nýrri stöðu hjá Hagkaup sem er liður í stefnu félagsins að auka upplifun viðskiptavina og þróa stafræna þjónustu við viðskiptavini. Hagkaup opnaði nýlega vefverslun með snyrtivörur og stefnan er að auka enn frekar við vörur og þjónustur í versluninni,“ segir í tilkynningunni en Eva Laufey hefur störf seinni part sumars.

Þar er haft eftir Evu Laufeyju að hún hlakki til að takast á við ný og ögrandi verkefni.„Það er virkilega spennandi að fá að leiða uppbyggingu sem eru þegar hafnar hjá Hagkaup í átt að stafrænni og enn betri þjónustu við viðskiptavini Hagkaups og styrkja upplifun þeirra í verslun og á stafrænum miðlum. Ég þekki Hagkaup vel og hlakka til að nýta mína þekkingu og reynslu við að gera Hagkaup að enn skemmtilegri verslun.”

Sömuleiðis er haft eftir Sigurði Reynaldssyni, framkvæmdastjóra Hagkaups, að þau séu mjög ánægð með að fá Evu Laufeyju til liðs við sig. „Við höfum átt ánægjulegt samstarf við hana í gegnum árin við vinnslu á fjölda verkefna. Við erum sannfærð um að Eva sé rétti aðilin í að halda áfram að skapa með okkur ævintýranlega upplifun í verslun þar sem að skemmtilegast er að versla. Það eru spennandi tímar framundan hjá Hagkaup og mörg verkefni í vinnslu sem auka þjónustu og upplifun viðskiptavina enn frekar. Eva verður lykilaðili í úrvinnslu á þeim verkefnum,” segir Sigurður.

Vísir er í eigu Sýnar sem rekur einnig Stöð 2.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.