Innlent

Einar Örn 63 ára hjólaði í vinnuna úr Reykjavík á Selfoss

Magnús Hlynur Hreiðarsson skrifar
Einar Örn við hjólið sitt þegar hann mætti í vinnuna í morgun hjá Matvælastofnun á Selfossi.
Einar Örn við hjólið sitt þegar hann mætti í vinnuna í morgun hjá Matvælastofnun á Selfossi. Aðsend

Einar Örn Thorlacius fer alla leið í átakinu „Hjólað í vinnuna“ því hann hjólaði í morgun frá Þingholtunum í Reykjavík þar sem hann býr á Selfoss, en þar vinnur hann hjá Matvælastofnun.

„Já, þetta voru um 60 kílómetrar en þetta er í níunda skiptið á jafnmörgum árum, sem ég hjóla þessa leið. Það tók mig rúmar 5 klukkustundir, sem er óvenju langur tími. Ég verð 64 ára í næsta mánuði og svo var ég með austanáttina í fangið allan tímann. En þetta var gaman, fyrir utan auðvitað bílaumferðina, sem maður verður bara að leiða hjá sér,“ sagði Einar Örn alsæll með sjálfan sig. 

Hann mun væntanlega hjóla heim úr vinnuna í Reykjavík aftur í kvöld en býst þá við að vera fljótari vegna hagstæðrar veðurspár.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.