Viðskipti innlent

Auður ráðin forstjóri Orkunnar

Smári Jökull Jónsson skrifar
Auður Daníelsdóttir er nýr forstjóri Orkunnar ehf.
Auður Daníelsdóttir er nýr forstjóri Orkunnar ehf. Orkuveita Reykjavíkur

Orkan IS ehf. hefur ráðið Auði Daníelsdóttur sem nýjan forstjóra. Auður kemur til Orkunnar frá Sjóvá þar sem hún hefur starfað síðan 2002.

Greint er frá ráðningunni á vef GlobalNewswire en þar kemur fram að rekstur Orkunnar IS nái til allra 73 þjónustustöðva Orkunnar, Extra, 10-11, Löðurs, Lyfjavals, Íslenska vetnisfélagsins í Gló. Þá fer félagið með eignarhald í félögunum Brauð & Co og WEDO sem rekur Heimkaup, Hópkaup og Bland.

Jón Ásgeir Jóhannesson, stjórnarformaður Orkunnar, segir það mikinn feng að fá Auði sem forstjóra félagsins.

„Hún hefur mikla þekkingu af rekstri og stjórnun og mun efla Orkuna og dótturfélög til betri verka.“

Auður hefur starfað hjá Sjóvá síðan 2002, nú síðast sem framkvæmdastjóri sölu og ráðgjafar. Hún er sjálf full tilhlökkunar.

„Fyrirtækið er á áhugaverðum stað þar sem breytingar hafa verið miklar og tækifærin mörg. Þjónusta við viðskiptavininn hefur alltaf skipað mikilvægan sess í mínum störfum og mun gera það áfram. Það liggja einnig mikil tækifæri í orkugeiranum og ekki síst frá umhverfis- og sjálfbærni hliðinni,“ segir Auður í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.