Kárastaðir eitt það gjöfulasta í Þingvallavatni

Eitt af þeim svæðum sem er mjög gjöfult þegar réttar aðstæður eru fyrir hendi er Kárastaðir. Svæðið er í höndum Fish Partner og þarna er hægt að gera feykna veiði. Besta veiðin á urriðanum er seint á kvöldin og helst í rökkrinu en margir veiðimenn gera þau regin mistök að hætta veiðum áður en besti tíminn skellur á. Urriðin er mjög ljósfælin og kemur helst upp að landi þegar það er farið að halla að degi.

Frægur var sá dagur 6. maí 2020 þegar þarna veiddust 34 vænir urriðar á einum eftirmiðdegi en það var ekki fyrr en eftir klukkan 18:00 sem fiskurinn fór að taka að einhverju ráði. Núna er nefnilega tíminn til að stökkva á daga við vatnið og krossa allar fingur og tær um að það verði helst skýjað. Svo er það eitt, þú þarft ekki að mæta fyrr en um 17:00, gera þig klárann og veiða inn í kvöldið. Þá er svæðið hvílt og veiðin getur fyrir vikið bara orðið betri.