Viðskipti innlent

Fyrsta skrefið í átt að stækkun Jarðbaðanna tekið

Tryggvi Páll Tryggvason skrifar
Fyrirhugað útlit Jarðbaðanna eftir stækkun.
Fyrirhugað útlit Jarðbaðanna eftir stækkun. Basalt Arkitektar/Design Group Itala/Efla

Fyrsta skóflustunga að nýrri aðstöðu Jarðbaðanna við Mývatn var tekin í dag en undirbúningur framkvæmda hefur staðið í nokkurn tíma.

Ný bygging og stækkað lón verður austan við núverandi aðstöðu og er um 2.300 femetrar að stærð.

Ný aðstaða mun innihalda veitingarými, aðstöðu til fundarhalda, inni- og útiklefa, slökunarrými og nuddaðstöðu. Byggingin verður á einni hæð og lónið aðlagað að henni þannig að gestir geti farið beint ofan í, ásamt því að upplifunarsvæðum í lóninu verður fjölgað.

Hönnuðir eru Basalt arkitektar, Design Group Italia og Efla verkfræðistofa.

Markmið eigenda er, að því er fram kemur í tilkynningu, að auka vellíðan gesta og skapa ferðalag í gegnum lónið þar sem gesturinn upplifi mikla nálægð við náttúruna í einstöku umhverfi og með mikilfenglegt útsýni Mývatnssveitar fyrir augum.

Stefnt er að opnun á fyrsta ársfjórðungi 2024.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.