Viðskipti innlent

Ragnar frá Póstinum til Tix

Eiður Þór Árnason skrifar
Ragnar Skúlason hefur mikla reynslu í hugbúnaðargeiranum.
Ragnar Skúlason hefur mikla reynslu í hugbúnaðargeiranum. Aðsend

Ragnar Skúlason hefur verið ráðinn til að leiða hugbúnaðarþróun hjá Tix Ticketing. Hann kemur frá Póstinum þar sem hann var teym­is­stjóri hug­búnaðarþró­un­ar í upp­lýs­inga­tækni­deild. Ragnar er með tuttugu ára reynslu og þekkingu af hugbúnaðargerð.

Áður starfaði Ragnar hjá Meniga sem tæknilegur verkefnastjóri yfir innleiðingum. Þá hefur hann einnig starfað sem teymisstjóri hjá Nova og hugbúnaðarverkfræðingur hjá TM Software og GreenQloud. Ragnar er með MSc próf í hugbúnaðarverkfræði frá Háskóla Íslands. 

Þetta kemur fram í tilkynningu frá Tix sem segist vera leiðandi hugbúnaðarfyrirtæki í þróun miðasölu, CRM og markaðslausna fyrir menningargeirann. Viðskiptavinir skipti hundruðum víða um heim. Starfa 40 sérfræðingar hjá Tix sem er með skrifstofur og starfsemi í átta löndum.

„Það er gríðarlegur fengur að fá Ragnar til okkar hjá Tix Ticketing. Hann hefur mikla reynslu af þróun og innleiðingu flókinna hugbúnaðarverkefna fyrir stór fyrirtæki víðsvegar um heim. Við hjá Tix höfum verið í miklum vexti erlendis síðustu ár og með fjölgun viðskiptavina á nýjum mörkuðum er gríðarlega mikilvægt að hafa sterka leiðtoga með reynslu og þekkingu til að leiða þróunarteymið okkar áfram.“ segir Einar Þór Gústafsson, framkvæmdastjóri vöruþróunar hjá Tix.

Krefjandi og spennandi áskoranir framundan

„Ég er mjög spenntur fyrir þessu tækifæri sem mér hefur verið veitt, en Tix hefur verið að framleiða einstakan hugbúnað sem hefur sannað sig á alþjóðamarkaði og stendur frammi fyrir miklum tækifærum í vexti og þróun. Við blasa margar krefjandi og spennandi tæknilegar áskoranir, bæði í tæknilegum lausnum fyrir nýja markaði og betrum bætur fyrir viðskiptavini okkar. Ég lít björtum augum á komandi misseri og hlakka til að kynnast starfsemi og viðskiptavinum Tix betur,” segir Ragnar Skúlason í tilkynningu.

Tix Ticketing er hugbúnaðarfyrirtæki sem sérhæfir sig í lausnum fyrir menningarhús sem selja miða á viðburði af ýmsum gerðum. Meðal viðskiptavina utan Íslands eru Musikhuset Aarhus, Het Concertgebouw í Amsterdam og Kulturhuset Stadsteatern í Stokkhólmi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.